Een nieu Liedeken, Op de wijse: Ick vint mijn eylaes gheheel in noot. [p. 8]  Aenhoort t'geclach o bloeyende ieucht  Die v vermaeckt in ydele vreucht,  En Spieghelt v vry  Neempt exempel aen my,  Dewijl ghy meucht.     Ick heb wel eer ghetriumpheert  Wellust des Vleyschs altijt begheert,  Met vrolijck iolijt,  Na des Werelts tijt  T'welck haest verkeert.     Dansen en spelen heb ick ghesocht  Mijn tijt in ydelheyt ouer ghebrocht,  Tis my nu wel leet,  Maer God is diet weet,  Waer ick om docht.     Bancketeren en vrolijck te zijn  Lieffelick aenschouwen mijn liefs anschijn  Dat was voorwaer,  Mijn vreucht eerbaer  Mijn Medecijn.     Maer het is eylaes te zeer verkeert  Ick die de Werelt so heb gheeert,  Vint mijn nu in noot,  Deur den wreden doot  Die mijn turbeert.     Wat ick aenschouw tis mijn al pijn  t'Gheen my wel eer vreucht plach te zijn  Dus ben ick ontrieft,  Maer alst Godt belieft  Salt anders zijn.     Alst isser dat ick mijn meer beclaecht,  Dan dat ick die Werelt dus heb behaecht  Die zo lieffelijck toont,  Maer soo bitter loont  Twelck my druc-knaecht.     In mijnen fleur wort ick ghepluckt,  Ghelijck een Roose door ongeluckt  De-wijl hy staet  En bloeyt zeer delicaet,  Wort aff ghepluckt.     Tis een quaet fondament daer hy op bout  Die hem op aerdiche vruechden betrout,  Want die felle doot //  Spaert cleyn noch groot //  Jonck noch te oudt.     [p. 9]    Hercules zo zeer vermaert  Sloech slangen en draecken metten swaert,  Deur zijn grote cracht  Te niet ghebracht,  Is niet ghespaert.     Cresus die rijckste des Werelts wijt,  Salomon in wijsheyt onbenijt,  Sijn alle ghevelt,  Deur des doots ghewelt  In corter tijt.     Hertog van Troyen zeer valiant  Achillus die vroomste van Griecken lant  Zijn alle verghaen,  Met Helena schoon ghedaen  En Paris playsant.     Die niet beweecht is als een steen,  Ick zie d'exempel int ghemeen,  Wantmen niemant en vant  Die den doot verwant  Dan Godt alleen.     O doot o doot, brengt v propoost  Dat ick van druck mach werden verloost,  Tot God den Heer,  neem ick mijn keer,  Hy is mijn troost.     Adieu adieu, druck fantazy  O princelicke inecht gedenckt dit vry  Want een Roose die bloeyt  Wort haest ghesnoeyt  Als ghy ziet aen my.