Een ander Liedeken, Op de wijse: Een Liedt eerbaer.  Deur groot verlanghen, om mijn li[ef] t'aenschouwen,  Doet t'herte verstranghen  En verdwijnen van rouwe  Ic ben int verdriet // v liefde my lieft aensie[t]  Oft ick salt besteruen,  Mijn vruechde die verliet, god niet en gestier  Sal ick nu deruen.     In druck en pijn, ben ick schoon Lie[f] t'aller uren  Mijn Rosemareyn,  Mach my gheen troost ghebueren  Mijn Liefste ghetrou, ghestadich ick h[ou]  Wilt niet versmaden  Ghy zijt mijn vrou // daer ick op bou  Thoont my ghenaden.     Wt droefheyts banden // verlost v dienaer ootmoedich  Wiens sinnen branden  In uwer liefden gloedich,  Mijn iuecht versmelt, als sijt opt velt [p. 32]    Om v persone,  Of sdoots ghewelt // tsy v vertelt  Crijgh ick te lone.     Comt lief ghepresen,  Toont my v claer aenschijne  Om my te ghenesen.  Gheeft my doch eens medecyne  Oft ick moet schier // dolen lief van hier,  In vreemde landen  Degelentier, verlost wt dangier  Ontbint mijn banden.     Haet niet Princesse  Wie v bemint zeer manierich  Mijn sterck voortresse,  Zijt ghy in liefden gheduerich  Adieu mijn lief, ontdoet mijn brief  Leeftse met sinnen,  Tot v gherief // v dienaer ick blief  O schone Godinne.