Een Amoreus Liedeken.  Gratigues eerbaer iong van zinnen,  Amorues gesellekens de minnen,  Wilt ghy beginnen,  Venus vlas te spinnen,  Hout v stil van sinnen,  Leeft altijt duechdich, Leeft. etc.  Zingt en springt schict drinct de mos  Met vroukens mechdich // vliet verdriet siet niet wat cost,  Vergunst v goetgen vruechdich.     Weest beleefdich voor de maecht ter eren  Of ghy sijt knechten en anders zijt ghi heren  Bedeckt de maechden haer ere // Hoort wat ick v lere //  Wilt haer lof vermeren,  Geeft haer die crone Gheeft haer die crone,  Zingt en springt schinct drinct de mos  Met vroukens schone,  Vliet verdriet siet niet wat cost //  Venus salt v louen.     Peynst toch wat een vrouken mach bedencken,  Wilt haer trouwelijc v gratieusesheyt schencken,  Als haer ooghskens quincken,  Hete traengiens sincken // Die liefden dan doet blincken,  Als past bitijden, Als past bityden,  singt en springt schinct drinct de mos //  Met vroukens blijde //  Vliet verdriet siet niet wat cost,  sorgen steit besijden.     Als kadetten zijt mechdich in v sluere,  Maect bancketten scenct de wijn schoon van cluere.  Hoort ghy dan truere // V ouders zijn daer vuere // [p. 60]    Peynst om de schoon figuere  Spoet v dan vaerdich, spoet v dan vaerdich  Zingt en springt, schinckt drinct de mos  Met vroukens aerdich, vliet verdriet ziet  niet wat cost, Peynst de bloem ist waerdich.     Spoet v ter iachten, vrylijck sonder vragen,  Dach ende nachten, wilt sorghe daer voor dragen,  Vint ghy v behagen, Rijst op eert t'gaet daghen,  peynst of nyders saghen Slaet vroukens achte,  Zingt en springt schinct drinckt dit mos,  Met ghoede ghedachten,  Vint verdriet siet niet wat cost,  Troost wilt verwachten.