[p. 81] [Der was te nacht also soeten nacht] [p. 65-80 ontbreken hier in het origineel]  Hy hoorde dat vrouken seer claghen  Ghebreect v hier broot ofte wijn  Dat sal ick v doen halen.     Mijn ghebreect bier broot ofte wijn  Doch gheen ander dinghen  Ick draech een kint so cleyne kint  Ick en can die vader niet vinden.     Draech dy een kint so cleyne kint  Cont ghy die vader niet vinden  So doet dat kindeken alle sijn gherieff  Die Vader sal v beminnen en van uwen cleynen kinde,     Nv wil ic gaen trecken dat groene wout in  Die fiere Nachtegael vraghen  Maer oft si alle ghescheyden moeten zijn  [E]n dat eens twe liefkens waren.     Wy waren gescheyden mijn soete lief en ic  [Het] was haer so wel berouwen  [W]y souden also saen vergadert zijn  [En] woude si my zijn ghetrouwe.     Goet en ghetrouwe sal ic v syn  [Een] fier ghelaet sal ick schencken  Wanneer ic ligghe inder arm van dijn  Op een ander sal ic dencken.     Nu raede ick elcke ionghe maecht  Dat si haer eerken bedt besluyten  Wanneer dat willeken is ghedaen  En dan is die vrientschap wte.