Een nieu Liedeken, Op die voys: Mamere te voy robin.  Ick weet een Peerle ient,  Gheprent // in Schoonheyt rijcke  Noyt Man en heeft present,  Bekent // haerder ghelijcke  Diamant ofte Robijn  Sangwijn verciert in gouwe  En vintmen tot ghenen termijn,  Soo fijn // In gheen Lantsdouwe,     Ghelijck die Sonne claer //  Eenpaer, Int tshemels throone  So is mijn Lieff voorwaer,  Aldaer blinckende schone.     Waer ick een Cooninck vayliant,  Playsandt // Rijck van persoone  Ick versette voor haer mijn Lant  En fant // En oock mijn crone     Dat ick mijn ghedacht.  Dach en nacht, op haer set als donwijse  Zy is my te hooghe van macht  Gheacht // Ende oock te groot van prijse.     Dies peerle daer my dat leet  Zeer wreet // om moet ghebueren  Tis mijn lief dat ick weet,  Hoe zy heet // die fluer der flueren.     Mocht ick met mijn shersen bloet,  Onsoet // haer noch te winnen  Zo sout ick tot een vloet  Mijn bloet // wt laten rinnen.     Sturffe ick dan van rouwe groot  Den dood // om haer duer desen  Zo ware mijn mondekens root, [p. 85]    Ter noot // Gheheel ghenezen.     Ick gheue elck minnaer wel,  Beuel dat hy liefde draghe  Maer dat hy der liefden ghequel  Zeer fel, Niet en beclaghe.     Die hem spieghelt vry,  Aen my // die spieghelt hem sachte  Elck minnaer verre ofte by  Wie tzy, slaet hier wel op achte.     Prince mindy een edel greyn,  Int pleyn // Als ick bouen maten  Zo en muechdy der liefden treyn,  Certeyn, met recht haten.