10 Een nyeu liedeken.  1  ARghe winter ghy zijt cout.  Vergangen is ons tgroene wout.  Vergangen zijn ons die louerkens aender heiden     2  Die loouerkens die aender heyden staen  daer op singt die nachtegale |  Van minnen singhet ons Die fiere nachtegale     3  Tsauonts als ick slapen gae  Vinde ic mijn bed alleine staen  daer op so rust die fiere nachtegale     4  Tsmorgens als ick op stae.  Ende ick mi wel gheciert hae  So coemt mijn lief Ende biedt mi goeden morghen     5  Goede morghen so wil ick wel voorwaer  Ic seg vrou maecht bint op v hayr  Met roode gout Ende met groene side     6  Si ginc voor ic volchde na  si brochte my daer een schaecbert na  In elcke hant Twee dobbelsteenen     7  Si ley tsaecbert op tvelt   [fol. 7r]  dye dobbelen wil die brenget gelt  Anders mach hi Tsoheyme wel blijuen