11 Een amorues liedeken.  1  AL om die liefste boele mijn  wil ic vrolic zijn  ic en mach altijt bi haer niet zijn.  Die nijders zijn so fel  Ic wil mi gaen vermeyden  Gelijc die vogel doet  Als hi den wilden valc siet vlieghen.  so verandert hem zijn bloet     2  In alle die werelt hoe lancx hoe meer  In mijn hert is si een paradijs  hoe gaern ic bi mijn lief waer  Wel schoon gebloeyt rijs  O schoone balsem gaerde.  Ic wensche v menige groet  de muts is mi swaer om dragen |  Want si mi versuchten doet.     3  Veel goeden daghen veel goede nachten  Wensch ic der alderliefste mijn  Ic beuele haer alle gods enghelen crachten  Ende god wil haer behoeder zijn  dat ic mi dus moet versaghen.  Minen edelen huebschen moet  de muts is mi swaerte dragen  Want icse nv sleepen moet     4  Den tijt die ick bi mijn lief mach zijn  En valt mi niet so lanck  Hoe gaerne ic bi mijn lieueken ware  si hout mijn herte in haer bedwanck  God troost den ongemoeden  Ende spaer mijn lief ghesont. |  Mi is te bat dat icse noeme  Want si hout mijn herteken. doorwont.