19 Een nyeu liedeken.  1  DEn dach en wil niet verborghen zijn  Het is schoon dach dat duncket mi  Mer wie verborghen heeft zijn lief  Hoe noode ist dat si scheyden     2  Wachter nv laet v schimpen zijn  Ende laet hi slapen die alder liefste mijn  een vingerlinck root sal ic v schincken.  Wildy den dach niet melden     3  Och melt hem niet rampsalich wijf  Het gaet den iongelinck aen zijn lijf  Hebdy den schilt ick hebbe die speyr  daer mede maect v van heyr.     4  Die ionghelinck sliep ende hi ontspranck.   [fol. 11r]  Die liefste hi in zijn armen nam  En latet v niet so na ter herten gaen  Ick come noch tauont weder     5  Die ionghelinck op zijn vale ros tradt  Die vrouwe op hooger sinnen lach.  Si sach so verre noortuwaert inne  Den dach door die wolcken op dringhen     6  Had ick den slotel vanden daghe  Ic weerpen in gheender wilder masen  Oft vander masen tot inden rijn  Al en soude hi nemmeer vonden zijn