81 Van Brandenborch  1  HEt is gheleden iaer ende dach  dat Brandenborch geuangen lach  Gheworpen in eenen toren  Van steenen waren die mueren     2  Daer lach hi meer dan seuen iaer  Sijn hayr was wit zijn baert was grau  Sinen rooden mont verbleecken  Vander liefste was hi gheweken   [fol. 47r]  3  Si leyden hem op eenen disch  Si sneden hem wt zijn herte frisch  Si gauent der liefste teten  Tot eene morghen onbijten.     4  Nv hebbe ick gheten dat herte zijn  Daer op wil ghedroncken zijn  Nv schenct mi eens te drincken  Mijn herte wil mi ontsincken     5  Den eersten dranc mer die si dranck  haer herte in duysent stucken spranck.  Nv helpt maria maghet reyn  Met uwen kindeken cleyne     6  Mer die dit liedeken eerstwerf sanc  Een vry sluymer was hi ghenaemt  hi heuet so wel ghesonghen  Vander liefster is hi ghedrongen