84 Een nyeu liedeken.  1  IC rede een mael in een bossche dal  Ic vant gescreuen oueral.  Hoe dat een schoon maechdeken waer.  Te Bruynswijck staet een hooghe huys  daer ic so gaerne waer     2  Te Bruynswijck staet een hooge huys.  Daer siet een fijn maecht ter veynster wt  Met haer bruyn oogen claer  de selfde maecht wil ic hebben.  Tcost mi wat het wil     3  Si sach mi ouerde oxel an.  Si seyt ic waer geen edel man |  Ic en waer niet haer gelike  Si wil hebben een edel man.  Een schoon ende ooc een rijcke     4  Joncfrouken laet mi onbeghect  Ic ben mijns goets een arm knecht  Ic waer wel ws gelijcke  Een rijc coopman wort wel arm  Een arm lantsknecht wort wel rijcke     5  Adieu ioncfrouwe ic vaert daer heer  Ic sette v al in mijn deer  door eenen roosen gaerde  Daer sal ick v wachten een cleyne wijl  daer sal ick v verwachten     6  Die dit liedeken eerstwerf sanck  Een vroom lantsknecht is hi ghenaemt.  Hi heuet wel ghesonghen   [fol. 49v]  Hi drinct veel lieuer den coelen wijn  Dan twater wter donnen