88 Een oudt liedeken.  1  IN mijnen sin hadde ick vercoren  Een maechdeken ionck van daghen  Schoonder wijf en was noyt geboren  Ter werelt wijt na mijn behaghen  Om haren wille so wil ick waghen  Beyde lijf ende daer toe goet  Mocht ic noch troost aen haer beiaghen.  So waer ick vro daer ic nv trueren moet     2  Haer minne doet mi mijn herteken quelen  Ick ducht dat ick dat besteruen sal  Nochtans soude si mi niet veruelen  Mocht ic noch troost van haer verweruen.  Die nijders tonghen willen my bederuen  des ben ick gheworden vroet  Woude si mi in haer herteken eruen |  So waer ick vro \ daer ic nv trueren moet.     3  Ick en derfe haer niet voor oogen leggen.  Aldus moet ick blijuen in die quale  Noch van mijnen weghe doen segghen  Aldus ist voor mi niet altemaele  Nochtans is si die principale  Die mi dicwils versuchten doet  Mocht si dat weten die cuyssche smale  So waer ick vro. etcetera     4  Och oft si dat wiste die suyuer iuecht  Tghequel dat ick om haer moet lijden  Si soude mi loonen bi haerder duecht  Ende beteren in corten tijden  Mer lacen dat staet daer besiden  Nemmermeer so en crijghe ick boet  Mocht ick noch eens met haer verblijden  So waer ick vro. etcetera.     5  Dat gepeys van huer doet mi verhooghen  Hoe wilde ick mi blijde ghelaten  In spijt van alle nijders die mi ooghen   [fol. 51v]  Ende al die mi haten  Och woude si mijn lijden vaten  Dat reyne wijflijck bloet.  Woudt si mi noch comen te baten  So etcetera