Antwerps liedboek

bron: Een schoon liedekens. Boeck inden welcken ghy in vinden sult. Veelderhande liedekens [etc.]. Ian Roulans, Antwerpen [1544].

DBNL vignet


221 Een nyeu liedeken 1 DAer staet een clooster in oostenrijc Het is so wel gheciert Met siluer ende roode gout Met grauwen steen doormoeret 2 Daer in so woont een ioncfrou fijn die mi so wel beuallet Rijck god mocht ic haer dienaer sijn Ick soudese met mi voeren 3 Ick voerdese in mijns vaders hof.
[fol. 128v]
folio 128v Daer staet een grone linde Daer op so singhet die nachtegael si singet so wel van minnen 4 Och nachtegale cleyn voghelken Wildi v tonghe bedwinghen Ick salder al v vederlin Met goudraet doen bewinden 5 Wat vraghe ick nae v roode gout Oft nae v looser minnen Ick ben een cleyn wilt vogelken stout Gheen man en can mi bedwinghen 6 Sidi een cleyn wilt voghelken stout Can v gheen man bedwinghen So dwinget v die hagel \ die coude snee die loouers vander linden 7 Dwinget mi de haghel \ de coude snee die loouers vander linde Als dan schijnt die sonne schoon So sal ic weder vruecht beghinnen 8 Doen hi zijn sporen had aen gedaen \| Hi reet ten oostenwaert inne Hi sach so menighen lansknecht staen In haer blanck harnas blincken 9 Hi is een weynich voort gereden Al ouer die groene strate. So wie zijn boel niet hebben en mach. Die moetse varen laten 10 Den ruyter sprack met moede vry doe hi zijn boel moest laten Ic wil blijuen den lansknecht by Rijck god comt mi te baten 11 Die ons dit liedeken eerstwerf sanck Hi heuet wel ghesonghen Met pijpen ende trommelen geclanc In spijt des nijders tonghen