[De rechter Via]

(fol. 11v) Via (3)	j Dese tafel inhout tgeual der menynge.	ij Tgeual des geens die suect enen coninck.
	Dit is teken der affhoudinge ende verwesens des geens die sijn voertsetten suect ende sijnen heesch dair hij niet toe comen mach.	Hy en sal niet voir hem mogen staen. ver staen is hem beter dan by wesen.
	Teken des voirsetters ende des soekers des verre dincs welc hem swair is te hebben ende sal hem vertoge dien die dat soect vanden wijue.	Hy sal vanden coninc vercrigen een cleen goet na den arbeit ende sal wesen middelbair.
	Dit is teken des ontlokens weges ende een ygelijck bederuer vrage ende dies voirsetters enigen goeden dienst te doen ende na te latene.	Sijn geual sal mit hem wesen middelbair daer na veranderen int goede ende hij sal van hem vercrijgen een cleen goed (d) oen.
	Dit is teken des vragers vander reyse ende der beroerten van stede te stede ende sal vercrijgen goede auenture ende een vertuellen sijns heeschs.	Sijn dinc wert niet welcomen vanden coninc mer ver van hem wesen is beter dan by.
	Teken der wtgaender vander hant des menschen niet hebbende inder hant ende geert te vercrijgene ende betekent die vrage des ingaens van enen hyeleke.	Sijn dinc wert wtgeset bij den coninc ende sal niet moigen vercrijgen.
	Dit betekent die geheeschte dingen die niet moigen vercregen sijn daer na sal hij vercrijgen mit arbeyde.	Men hoept hem goet vanden coninc ende hij sal houden dat hij heescht off dienst.
	Teken elx dincs swaers op hij arbeit ende eens dieps puts betekende die meninge des wijffs.	Hij sal sijn begeerte vercrijgen vanden coninc ende tmeeste sijnre dingen wert veruult sonder arbeit.
	Teken des soekers een geuouch om dingen dan hij om gearbeit heefft ende sal hebben een roeren tot al dat hij begeert.	Hij sal vercrigen een deel sijnre dingen vanden coninc ende sal met hem wesen in dyenste.

(fol. 12r) iij Inhoudende tgeuall des goens die recht geert.	iiij Inhoudende tgeual des die gelt wil vercrigen.	v Tgeual des geens die suect te vercrigen enich dinc.
Hy ne sal niet moigen comen tot sijnen rechte noch te syn redene.	Tvercrijgen der rijcheden wert wtgeset ende de henden ydel hy sal vercrigen goet mit reysen.	Dit dinc wert hem verult ende salt weder laten.
Sijn geual sal int vonnesse middelbair vallen onder hem ende den wederman sal hij wat goeds hebben.	Hij sal rijcheden vercrigen na den arbeit int middel sijnre outhede.	Sijne saken werden veruult die hij geert na tijt met anders hulpe.
Die wederman salt verwijnnen om sijn begeerte ende sijn wederman wert hem onderdaen.	Tvercrijgen der rijcheden wert middelbaer ende thebben dair in somwijle wel somwijle niet wel.	Hier wert opgelet dairna sal hyre niet af hebben.
Sijn geual wert goet dit jair dair na salt int quade veranderen.	Luttel rijcheden sal hij vercrijgen ende niet en sal hem mogen blijuen.	Hier wert opgelet daer na sal hijt behouden alremeest eest dat buyten sijnen heere sij.
Hij sal twiuel behouden na dat hij tonder geweest sal hebben ende tvelopen sacramenten.	Geen rijchede sal hij mogen vercrigen ende wert veelre armoden ende wanhopen.	Hij salre niet mogen toecomen dan by enen versprekene.
Sijn geual wert int recht middelbaer ende sijnen wederman verwynnen ende sal van hem hebben goede dingen.	Hij sal nacrijgen de vreese des rijcheden wreetheit arbeit in vele woerden.	Hij sal vercrijgen dat hij begeert na corten tijt.
Het is te duchten dat yement iegen hem keere ende dat hij verwonnen wert.	Hij sal rijcheden vercrigen mer niet eest dat hem blijfft.	Dit sal geschien na arbeit ende salt vercrijgen.
Hij sal vechten ende strijden dair na mit sijnen wederman keren int goede ende sullen int recht gelijc sijn.	Hij sal vercrigen rijcheden mit vele arbeits ende roerten.	Dit is in sine handen ende tafdoen van dien is sijne wille ende eest dat hijt soect hij vercriget.

(fol. 12v)	vj Tgeual des hyelics.	vij Tgeual der dragende.
	Dit hyelic wert wtgestelt cort daer na sal hij nemen een bekent wijff ende sal mit hair niet moigen blijuen.	Dese dracht wert volcomen sonder twyuel ende hair baren licht.
	Beter is thylic achter gelaten dan gesocht om dat hij vanden wiue gedogen sal gepensen.	Dese dracht wert middelbair ende sal enen zone hebben ende men twiuelt vanden ongeboerten.
	Dit hyelic wert geheescht ende het wert wrgeset ende tlaten dbest om die vreese van vele ombehenliker woerde.	Dese dracht wert onder hope ende wanhope ende men twyuelt van haren mesualle.
	Dit wert gehouden mit valschen saken off om dat hij twijff siet ende tgeual mit hair is middelbair.	Dese dracht wert bedoruen ende nemmermeer machse volcomen werden.
	Dit is gehyelicht sy sullen eendrachtich wesen te samen ende vercrijgen goet ende onder hem sal minne ende eenheit bliuen.	Het is te duchten dat die dracht ongeboren blijfft.
	Hier wert opgelet al werden sij gebonden sceldende sij werdens daer na eens ende dit hyelic wert volcomen.	De dracht wert sonder twiuel volcomen ende wert geboren een dochter.
	Van desen hyelic sal twijff hebben haren wille off het wert middelbair ende twijff salt lieuer hebben dan de man.	Dese sal baren een dochter wel gebaren in allen hoiren daden.
	Dit hyelic salt behouden voir de hant sonder arbeit sonder anders yemans toedoen mit haerer warachticheit.	Dese is by haren barene na den arbeit ende in hair eynde salich.

(fol. 13r) viij Tgeual des zieken mensche.	ix Tgeual der belegender stat.	x Off si kint hebben sal.
Dese siecte des siecs menschen wert verlangt ende het is mogelijck dat hij sterfft.	Hy sal sceyden vander stat na vele arbeyts ende vreesen.	Tontfangen der kinderen wert wtgeset mer sij sal vele kinderen hebben in hair laetsten.
Hy wert verlost vander siecte nochtan sal wesen een siecte int vterste.	Dese stat wert verlost van beginsel want die vyant sal te hair niet toecomen.	Sy sal ontfangen een kint goeder auenturen geboren ende sal hebben kinderen zoenen.
De sieke wert verlost ende by geuallen hij sal veranderen van stede te stede.	De viant deser stat salse tonderdoen ende sij(n) sake by hem middelbair.	Na lancheit salse ontfaen kinderen ende de eerste kinderen sal sij hebben kindren knechten by geualle.
Men ducht van sijnre door ende alre meest wert in de vrage geuouch.	De stat sal bynnen dogen ende hair volc sal deer hebben.	Int eerste machse geene kindren hebben daer na salse hebben kindren dochteren.
Hy wert verlost vander siecte ende na wt, anwerpe sal hij hebbe(n) droopte off anders.	Tbeleggen deser stat wert verleyt ende hair eynde orbairlijck.	Niet toebrengen off werken om kindren best want sij sal niet ontfaen.
Dese siecte wert verlangt nochtan sal hij van hair verlost werden.	Tbeleggen wert op hair gestadicht een tijt mer dair na ontsett.	Hij sal niet der kindren deruen ende sal hebben vele dochteren.
Dese siecte wert verlangt ende men ducht voir sijn doot.	Hem sal verdrieten des beliggens ende na vrede ende eendracht sal hi vertijden.	Hij sal ontfangen kinderen na wanhope.
Hy wert verlost vander siecte sonder twiuel.	Dese stat wert niet ghevangen ende hair eynde wert verandert int goede.	Hij sal vele kindren ontfaen soenen mar meer dochteren.

(fol. 13v)	xj Vander dyeffte.	xij Vander reyse.
	Dese dieffte wert nemmermere vercregen ende die dieff is emmer wten lande ende hij wert niet geuonden.	Sijn meninge wert affgeset vander reyse ende eest dat hij gaet hij sal vanden wege wedercomen.
	Men hoept de openbaringe deser dieffte ende na lang tuerirgen ende de dieuen sijn wijuen.	Dese wech wert gedaen mit groter sekerheit ende mit vele beroerten sal hij goet gecrigen.
	Die hebben sij vele gestolen ende hair tijden werden verlanct derna wert openbair ende die coninc sal hem onderwijnden ende tverlies wert wedergecregen.	(D)ese wech wert goeder auenturen ende hij sal goet gecrigen mit vele beroerten.
	De sake deser dieften mach niet bedect bliuen, mer na geopenbairt ende de dief wert geuangen ende een wijf sal sake wesen sijnre vangenisse ende tuerlies wert vercrigen.	Hij ne sal niet gaen ende sijn voert setten wert verleyt.
	Teken des verlies ende der onuerkrigeliker diefften ende onmogelijc te vercrijgene.	Hij sal den wech doen ende sal goed vercrijgen ende alre meest ter zee.
	Teen deel deser diefft wert geopenbairt ende tmeeste deel sal verloren blijuen mer tverlies wert uercregen.	Cume sal hij den wech doen ende doet hijse sijn wedercomen wert lanc.
	Tvinden deser diefte wert lang der na vercregen ende een wijff is de dief mer tuerlies wert vercregen ende dit teken nader tijt.	Hy sal wedercomen vander reyse ende sijn eynde goet nochtan is tlaten best.
	Dese diefte wert geuonden ende snel vercregen tuerlies.	Sijn reyse wert snel ende vele goede geuallen in sijnen wech.

(fol. 14r) xiij Vanden ghenen die van ogen is.	xiiij Vanden geuangene.	xv Vanden regen.
Sijn wech wesen wert verlanct ende sijn wederkeren ende dat by sijnen vryen wille.	Sijn vangenisse ver lanct ende wert in de vrage root, soo duchtmen voir schade.	Het wert luttel regens ende nochtan den volke niet deren.
Hij sal letten int wedercomen ende sijn gelt wert den genen die by hem bliuen.	Hij sal bliuen inden karker ende dair na wert sij goet geurijt.	Opgehouden wert de regen in dat jair, dair na salt zere regenen ende wert den volke gehulpen.
Sijn wedercomen wert vertraeget, dair na sal hij rueren ende te sijnen comen.	Na schade hoeptmen sijn verlossen ende des verlossens verbeyden.	Het sal dit jair zere regenen ende den volke deren.
Hy sal wech wesen ende verlanc wedercomen hij sal goet vercrijgen ende wesen in goeden state.	By is sijn verlossen ende hij ne sal geen vreeslicheit hebben.	Opgeset wert den regen daer na salt regenen ende helpen.
Hy sal haest wedercomen ende hebben een luttel verlies.	Men hoept sijn verlossen ende sijn einde wert louelic na lange tijt.	Het wert luttel regens ende sterke winden ende vele.
Men hoept op sijn wedercomen na lange tijt.	Sijn karker wert verlangt een tijt ende wert verlost sonder schade.	In dit jair wert die regen middelbair ende de wijnden des gelijxs.
Dese is gesont ende hem sal nyement tegen staen.	Hy sal lange inden karker blijuen ende men ducht voir sijn doot.	Int beghinsel des iairs salt lettel regenen dair na wert die regen gemenicht.
Hy wert versaemt cort ende sijn auenture vele ende goed.	Hy sal weder comen ende hem en sal geen goede auenture geuallen ende niet quaets en sal hij hebben.	Het wert een lettel regens orbarlic ende sal niet mogen deren.

(fol. 14v)	xvj Vanden begrauenere dinge.	xvij (Vanden) wasdom ende vander wynninge.
	In dese stede is niet begrauen mer het is als een getorden wech wair aff est dat yemant soect yet hij sal arbeyden.	(Van) deser comenschap ist best (laten).
	Dit verholen is seker mer niet en werter vonden om tbedrieghen sijnre steden.	Hij sal in dit vercregen cleen bate naden arbeit mit belette ende onder settene.
	Hier is niet begrauen wair bij oeft datter neyemant arbeyt om hij werter bij bescaet.	Hem en coemter geen wasdom off de comenscip wert van zere cleenre bate.
	Hier is niet begrauen ende hebben sij vele gesocht ende dair is dicke gedoluen ende niet geuonden.	Nyet en sal hij crigen van sijnre bederue en si dattet natuerlic sij off heere der beesten.
	Hier is niet begrauen ende is een bedriegelijcke stede ende arbeydelic wair by eest dat yemant arbeyt hy werter by bescaet.	Dit wert cleens wasdoms ende luttel dair na sal hijt verandren van eenre stede ter andre.
	Dit begrauen dinc is seker ende is een cleen goet in hem ende is als mets werc ende hij sal zere arbeyden.	Hier wert een cleen wasdom daer men geen tale aff maken sall.
	Dit is seker ende goet ende is int oostersce der stede onder enen getreden wech.	Dese coopscap sal hem baten op dat hij onder hoede sij ende mate.
	Dit is seker ende hij saller aff gecrijgen bate snel van deel der steden.	Hy sal hier aff bate hebben ende snel weder wt sijnen handen vlien.

(fol. 15r) xviij Vanden wtgaenden heere.	xix Vanden toecomenden heere.	xx Vanden tween heeren.
Dit heer coempt weder sonder roeff ende sonder schade ten sijnen.	Sijn toegane wert niet veruult ende het sal by enen andren wech weder keren.	Dese twee sullen toe gaen sonder vechten ende sij sullen niet versamen.
Dit heer sal vercrigen lettel goets van andre dan vanden heere dairt toegaet.	Het sal gaen ten eynde der steden dairt eerste begeert hadde.	Dese werden versaemt ende dat sal wesen te hairen oirbair ende ten goeden staet des volcs.
Die voirtganc des heers is quaet ende tverbeyden beter.	Dit heere sal toegaen begerende veylicheit ende vrede ende sijn toegaen sal niet deren.	Onder dese twee heeren wert verradenisse en sy sullen niet versamen.
Den twyuelt an dese reyse off se verdienen sal gaende off comende ende het wert zere bescaet.	Dit heer sal angaen ende sijn sake wert middelbair int goede off int quade.	Dese werden niet versaemt ende werden gevreedt ende gepaist.
Sijn sake wert wtgeset ende sal wedercomen vanden wege ende dat is hem best.	Sijn toeganc wert niet veruult ter stede dairt begeert.	Dese twist onderlinge wert aff gedaen ende hair sake in payse.
Dit heer sal gaen ten wege mit vele belets dair nae salt weder keren van sijnre wynninghe.	Dit wert gelet in andre stede dan dairt toegaende is.	Tvergaderen wert opgehouden dair na wert pays ende sij werden versaemt mit vreden.
Dit wert gans ende gesont ende nyemant en salt verwynnen.	Dese toeganc sal vercoelen ende die meninge wert verandert ende toeganc wert niet veruult.	Sij werden gevreedt ende tusschen hem beyden wert goet noch quaet.
Dit heer sal voirt gaen ende vercrigen groot goet sonder arbeit ende ondersettinge.	Dit heer sal aen gaen ende saller aff goet hebben ende geen quaet.	Sij werden gevreedt sonder sake ende sceldende woerden sullen onderlinge vallen.

(fol. 15v)	xxj Vanden verloren dingen.	xxij Vander bedeuaert.
	Dit verholen dinc is van planten.	Die wech is bereet die bedeuairt is in welke is een verwesen belet ende arbeit.
	Dit verholen dinc is betekent wies name is gemeens.	Hij sal die bedeuairt wtsetten dit jair al est dat hijse geert.
	Dit verholen is van planten.	Tvoertsetten wert verandert vander bedeuairt ende het wert hem leet.
	Dit is een dinc licht ende wel rukende.	De ganc wert geroert nochtan mach de bedeuairt niet gedaen dit jair.
	Dit verholen is van dingen die genomen sijn te rijcheden.	De voirset wert verleyt nochtan mach de bedeuairt dit jair gedaen werden.
	Dit verholen dinc heeft rontheit.	Sijn wesen mach niet veruult werden te doen de bedeuairt in dit jair ende sij mach niet gedaen werden.
	Dit verholen dinc is hol.	Hy wert gehouden vander bedeuairt in dit jair ende sy mach niet gedaen werden.
	Dit is dierbaer.	Hy sal den wech aennemen nochtan wert hem die bedeuairt niet voldaen in dat jair.

(fol. 16r) xxiij Vanden vechtere.	xxiiij Vanden cope.	xxv Vanden geualle des jairs.
Tlaten is best ende est dat geschiet sijn wech wesen ende sijn staet wert verlanget.	De coop wert middelbair dair na dierer ende wert opgehouden.	Men ducht voir tverlies der vruchten ende mit desen iair wert zere gearbeyt.
Tvechten is bereet ende hi sal wesen mit geselscepe ende tgeual middelbair.	De staet des coeps tusschen zoeticheit ende nutlicheit middelbair der na wert ontslegen.	Dit jair is salichlic in allen daden ende alle sijn vruchten mede.
Hy sal te vechten gaen nochtan wert niet veruult hier.	De coep wert ondiere der leeftochten vele ende niet duchten voir die tijt.	De geuallen des staets ende sijn goeden middelbair ende grote vergaderinge.
Sijn meninge wert afgedaen ende hij sal hem ten andren dingen geuen.	De coop sal bliuen gestadich dair na int eynde des jairs so diert hy.	De goeden sullen oirbairlic wesen ende vele vruchten ende alre meest planten.
Tvechten is nyet bereet nochtan is een bereetsel gemaict te dien dat best is.	De coep wert ondire ende alle dinc vindelic ende so het verder int iair gaet so mens meer vinden sal.	De geuallen middelbair des iairs int goede ende int quade onwerdelick.
De wech wert niet voldaen noch tvechten ende hi wert aff gedaen.	De coep sal wesen in sinen staet mer int eynde vanden jair salt dierer werden.	Dit iair wert goet ende sijne goeden vele ende men saller wt vercrigen goet ende rycheden.
Hy en sal niet gaen ende sijn letten wert goet ende sijn eynde louelijck.	De coop wert verandert nochtan salmen vijnden vele leefftochten.	Dit iair wert goed ende sijne goeden vele ende dair werden wt vercregen vele goede dingen.
Hy wert vander vechtreyse gehouden dit jair hier.	De copen sullen bliuen in haren staet mer vele goeds mit begeerten des volcs.	In dit jair werden vele goede dingen mit enen vpgaende coope.

(fol. 16v) (4)	j Vander meninge	ij Vanden Coninghe.
	Teken der volmaectheit ende der meeninge der dingen ende verwin int ondersoeken.	Tstaen voir hem is verre sijn zal wert veruult metten reeden eens wel geborens ende edels.
	Teeken eens reyse soekers ende hij sal te veruulte comen.	Sijne meninge den coninc an te hangen wert aff gedaen ende hij sal hem hoeden voir hen.
	Teeken des dingen ongebonden.	Sijn staet int vercrigen des coninx is seer by nochtan ne geen goet sal hij vercrygen.
	Teeken des geens die soect eenrehande dinc van welken men waenhoept.	Tlaten den coninc te zoeken is beter dan hem anhangen ende suect hijne hij werter by beschadicht.
	Teeken des wijffs sittende in hoerdomme ende des dieffs ende des wechs die in twiuel is.	Hy sal vercrigen goet grote auenture ende goede.
	Teken der doot der vloet des bloets ende guaets wechs.	Hy sal goed vercrigen vanden coninc al ontsiet hij hem ende sijn eynde wert louelick.
	Teken des wechs der blyscap.	Beter is tverwesen vanden coninc dan tbi wesen.
	Dit betekent bliscepen sekerheyt ende vercrigen der dingen.	Sijn letten wert verlangt in anhangenden coninc ende int laetste sal hij van hem goet hebben.

(fol. 17r) iij Tgeual dies die recht begert.	iiij Vanden rijcheden.	v Tgeual dies die soect enich dinck.
Hy behoutse al met hem ende wert zere gemynt.	Hy sal gelt vercrigen van edelen lieden ende teynde beter dan tbeghinsel.	Dit wert veruult mit wtstellene nochtan en sal hij niet deruen der moeynessen.
Hem wert goedlic gedaen in allen synen werken nochtan wert sijn heesch niet veruult.	Hy sal gelt vercrigen mits roerten ende veranderinge ende vele vercrigen ende wtgeuen.	Dit sal hij vercrigen mit anders hulpe.
Sijn sake wert niet geeynt ende trecht wert verleyt.	Hy sal gelt vercrigen middelbairlic ende also verteren ende hem en sal niet bliuen.	Hy salt vercrigen mit lancheyt ende arbeyt.
Dit wert een sake vele ontsluytens ende met werte voldaen.	Hy sal gelt vercrigen mit enen ouerlidene ende verterent ende hij sal idel bliuen.	Dit dinc is byden vercrige sonder arbeyt ende belet.
Hy valt in worden ende salt tgelt betalen ende dair na tonder gaen.	Hy sal vele gelts vercrigen van wankele dingen ende van zwaren saken.	Tlaten des dincs is beter dan meenen te vercrigene.
Sijn geuallen sullen in dit vonnysse middelbair wesen ende dair na sal hij tonder gaen.	Hi sal vele vercrigen van erffnamen ende andere dingen sonder arbeit.	Soect hij op dat hij dit hebbe hij salt vercrigen ende lichte in groter anxt vallen.
Hy salt behouden tegen sijnen aduersaris na worden ende strijden vele.	Hy sal gelt vercrigen wt zekeren deelen zeere ende wt geuallen.	Dit dinc wert veruult na lanc na arbeyt ende na onruste.
Men hoept hem cracht ende zege na lanc ende een ophouden sijnre zaken.	Hy sal gelt ende rijcheden vercrigen mit enen ouerlydens wter der getrouder zijde.	Hy sal vercrigen die mit boden ende brieuen nochta(n) salre twyuel an wesen.

(fol. 17v)	vj Vanden huweleke.	vij Vander dracht.
	Dit hvelic is goet geheyelicht geluckich noch tan wert verlanc gedaen.	Volcoemt die dracht het wert eenen zone geheylicht ende geluckich.
	Dit hyelic sal den man niet voldaen moigen werden ende sij sullen onderlinge scillen.	Dese dracht sal niet volcomen ende volcoemse tkint wert zere voirspoedich.
	Dit hyelic is schillende ende vele belets men saller in sien vreese ende laten best.	Dese dracht is quaet ende onbedwongen ende wertse voldaen sij sal een dochter baren.
	Dit wert licht gedaen ende by geualle het en wert niet by loueliker maniere gedaen.	Dese dracht haest ontbonden sal lettel gedueren ende te duchten voir der ongeboirten.
	Dit wert goet na dat dickent achterset wert ende het sal werden na dat geheescht sullen wesen vele wiuen.	Te duchten is voir de dragende dat die dracht niet geboren en wert ende tkint wert een zone.
	Dit wert middelbair ende een oneersam wijff van vele scheldende woirden ende van vele smetten.	Dese dracht wert voldaen ende goet ende wert een dochter ende wert in die vrage die figure cauda so sal sij baren enen zone.
	Teeken der bliscap ende der toecoempste der begeerten ende twijff sal maecht wesen ende van goeder roeke.	Hair baren arbedelic zere ende hair eynde salich ende sal baren een dochter.
	Hy sal goet vercrigen van desen hyeleke na dat hij gescreuen sal hebben om andere wiuen welke hij dair na volcomen sal.	Teeken des soegens ende betekent ene goede dracht ende dair na enen zone.

(fol. 18r) viij Vanden ziecken.	viij Vander belegenre stat.	viiij Off sij kint hebben sal.
De sieke wert gesont.	Nemmermere mach die viant iegens dese stat hij ne salse niet hebben noch hair deren.	Sij sal kynderen hebben mer meest zoenen ende sij wert mit hem gegoet, ende sij sullen geluckich wesen.
Hy wert genesen sonder letten.	Die viant sal vertrecken van der stat ende hair dingen int goede.	Sy sal kinderen hebben mer men ducht voir hem in hare kintsheit nochtan en salse niet sonder kinderen wesen.
De siecte wert verlangt ende hem sals verdrieten dair aff sal hij wynnen vele gepeynsen ende men ducht voir die doot.	De viant sal vander stat trecken leeleker dan wesen mach na dat hijse bedwongen heefft.	Sy sal kinderen hebben nae vele arbeits mer meest dochteren.
Dese siecte wert verlanct totter doot ende got weet.	Die beligger sal verliesen mids den regen ende dair nae vertrecken.	Sy sal der kinderen niet moigen gedogen want het wert lanc en sij bairt ende der af salse hebben vele gepensen.
Tmeest deel der siecte sal int hoefft wesen ende hy sal vele braken ende men duchtet voir hem.	Tusschen der stat ende hairen viant sal vallen een valsch pais.	Sy sal hebben zonen ende dochteren ende men ducht voir hem in haire ioncheit.
De siecte wert gemeerret mer teynde goet.	Int volc der stat sal bloet stortinge vallen ende si sal den viant ontsien.	Sy sal vele kindren hebben ende bij den geualle der kindren sal sij goet hebben ende auonture want sy geluckich werden sullen.
Voir desen zieck duchtmen ende wert int eynde der vrage puella so duchtmen voir de doot.	Wert in dese vrage puella so wert de stat gewonnen by valsheden ende by verradenisse.	Sy sal kyndren hebben mer tmeest dochteren.
Men hoopt dat hij verlost sal werden vander siecte na lanck.	Tletten des viants deser stat wert verlanct nochtan sal de stat verlost werden na arbeyt ende schade.	Sy sal hebben vele kinderen zonen ende dochteren.

(fol. 18v)	xj Vanden verloren dingen.	xij Vander reysen.
	De soeker deser dieften off des verlies liecht ende niet en is hem gestolen ende niet verloren oec en siet men dat niet in die vrage.	Dese wech wert goet by ende geluckich ende mogelic est datse verlangt wert.
	Dese diefte was gestolen sonder duchten ende vreese ende tverlies wert weder gecregen sonder letten.	Dese wech wert goet ende by ende hij sal vercrigen vele goets.
	Dese diefte is begrauen in een stede als enen ouen ende is gestolen van enen man wiuelics gelaets ende is in sijn stede ende tvercrigen wert verlanget.	Dit is quaet ende tlaten best.
	Dese diefte wert wedercregen haest ende sijn vertogen off wedercrigen is goet ende dair wert niet aff verloren.	Sijn wech wert niet verlangt ende sijns willen sal hij wedercomen.
	Dese diefte is van goude ende van andren minen, ende men duchter voren des gelijcs voir tverliess.	Sijn wech wert vol wasdoms ende nutte mer mit swairheden ende mit vrese.
	Dese diefte is gout ende men twyuelt vander stede der dieften ende van bederue ende des gelijcs wert tuerlies vercregen.	Hy sal den wech doen, mer te duchten is dat hij bloet laeten sal vanden mordenaren.
	Dit teken sal hem niet vertogen in de diefte noch int verlies, ende seyt sijn (...?) hem dat hijt verloren heeft hij sal liegen want hij selue die dieff is.	Wert sijn reyse ter zee, so wertse verlangt sijn reyse, ende hij sal gedogen vele swairheden, ende doet hijse te lande, so wertse lichter.
	Dit teken betekent geen dieffte en sij by ualle dat sijn hem off sijn maech genomen heefft.	Dit betekent enen sekeren wech, ende hij wert gehouden, mer sijne gesellen werden gelet.

(fol. 19r) xiij Vanden genen die van ogen is.	xiiij Vanden geuangene.	xv Vanden reghen.
Hy sal wedercomen na lanc ende sijn staet wert goet.	Sijn vangenisse wert verlanget mit salicheit ende mit enen goeden eynde.	Dit jair wert die regen middelbair ende claerheyt des hemels vele.
Dese sal niet wedercomen in deser tijt.	Hy wert wel gelet ende het mach sijn dat hij groet goet vercriget.	Luttel regens nyemande derende.
Sijn letten wert wt geset in sijn wechwesen ende twedercomen wert hem swaer.	Sijn letten wert verlanct inden karker, ende dat letten sal sijnen magen verdrieten in hare ziele.	Het wert regens zere vele na sijnen ophouden.
Dese is achter die vterste doere men bereyde hem tauont mael want hij by is.	Dit is een quaet teken den geuangene ende is mogelic dat hij sterue inden karker.	De regen wert gemenicht zere ende die beken sullen vloeyen na tuphouden.
Dese sal onderdaen werden eens anders geboden ende en sal willen noch mogen wedercomen.	Men ducht voir des geuangens vonnesse, ende is mogelic dat hij dair sterue.	Het wert luttel regens ende is te duchten voir tbederuen der vruchten.
Dese is gesont ende vele voirspoedicheden ende goets staens nochtan sal hij niet weder comen in dat jair.	Men ducht voir den geuangen, mer hij wert haest verlost.	Luttel regens dit jair ende vele vruchten ende tuolc wert siec.
Dese geert geen wedercomen want hij heeft vele goets.	Hy sal comen te sijnre woninge, ende vele scrifften werden tegen hem gescreuen ende hij mach verlost werden.	Luttel regens dit jair ende nyemant deren.
Hy sal wedercomen na lanc ende hij sal hebben vele goets ende voirspoedicheit.	Sijn houden wert verlangt dair na wert hij verlost in goeder salicheit.	Vele regens dit jair ghemeenlic dairt volck aff hebben sal duecht ende goet.

fol. 19v)	xvj Vanden begrauen dinge.	xvij Vander wynnynge.
	In dese stede is niet begrauen.	Dit is vol wasdoms ende inhout groet goet nochtan eest van verlangen vercopen.
	In dese stede is niet begrauen.	Hy sal bate vercrigen ende goed ende het sal wesen van snellen vercopene.
	Dese stede inhout niet begrauens.	Tcopen des dincs snel ende tvercopen traech ende luttel baten.
	Hier is niet.	Hy saller bate aff gecrigen dair na sal die bate te nyete gaen ende ander dinc.
	Hier is wat begrauen dat niet gecregen en wert.	Dit wert vercocht ende vele gelts vor de hant sal hij hebben ende vele baten.
	Hier is dinc begrauen int westerste ende toecomen te dien wert mit moeynesse.	Geluckich wert hij der mede ende alre meest wert het van dieren ende ist anders middelbair.
	Hier is niet begrauen mer hij sal arbeit hebben, nochtan en is die stede niet zuuer.	Eest een peert off een hert off enich welriekende dinc so est wasdom.
	Hier was wat mer het is genomen, ende dair en bleeff niet.	Dit is vol winnynge mer tuercopen traech.

(fol. 20r) xviij Vanden wtgaenden heere.	xix Vanden toegaenden heere.	xx Van tween heeren.
De staet van desen heere ontslegen ende men twiuelt off die reyse voldaen wert.	Dese reyse wert niet gedaen ende tstaen were beter dan tvoertgaen.	Tversamende wert ontslegen ende teynde sal ten besten comen.
Dit heer gaet voert mer ten sal niet vechten.	Een deel van desen heere sal toegaen nader sekerheyt sonder yements wederstaen.	Teen sal vanden anderen verscheden werden, ende geen geschille wert onderlinge.
Sijn meninge wert ontslegen noch die reyse wert niet voldaen noch den wtganc.	Sijn daet sal letten ende het en sal niet mogen toegaen mer sijn bode.	Een ygelic sal den anderen bedriegen, mer hair dinc wert opgehouden.
Sijn wtganc wert belet, nochtan salt wedercomen, men ducht voir den leeder des heers.	Dit sal toegaen nochtan en salt nyemant deren.	Hair geual wert quaet ouermids haren raet sonder vechten.
Dit sal verwinnen die here te gemoete comen ende int wedercomen wertet gemoeyt ende verarbeyt.	Gaet dit heer toe het wert verwonnen ende dair sal niet aff wedercomen dan zere luttel.	Hare saken onderlinge werden gelijc int goede ende int quade.
Wert desen wtganc gedaen spade salt wedercomen ende lichte tvoirsetten des wtgancs wert verandert.	Bedoruen wert sijn sake ende voleyndt het wert doot gheslegen ende hair bloet gestort.	Sij werden versaemt ende hair bloet wert gestort vele ende van hem lieden werter vele gedoot.
Sijn geual wert goet al est luttel nochtan wert sijn viant verre van hem.	Sijn sake wert ontslegen ende niet en salt mogen toegaen.	Geen strijt wert voldaen onderlinge mer narer is de pais na vele woerden.
Het wert een bestant mer by auenture machtet wel bestreden worden.	Sijn voertsetten wert zere ontslegen ende het sal verbeyden toe te gaen.	Paeys is narer tusschen beyden dan dbliuen in discende off in geschille.

(fol. 20v)	xxj Vander gedaente des verholens dincs.	xxij Vander bedeuairt.
	Dit verholen dinc is van cleederen ende openbairlike dingen.	Hy sal die bedeuairt laten ende soeken comenscap ende oirbairlicheden, ende des gelijcs.
	Dit is een planten van clenen werke ende subtijl ende seer dierbair dinc.	Hy sal van sijnen lande gaen ende hij en sal die bedeuairt niet mogen gaen.
	Dit verholen dinc is van minen.	Sijn voertsetten wert verandert vander bedevairt ende sij wert niet gedaen ende eest dat hij gaet hij sal wederkeren.
	Dit is van wiueliker name.	Dese soeket seyt mitten monde dat hij int herte niet en heefft, ende de bedeuairt wert niet gedaen dit jair.
	Dit verholen dinc is van minen.	Dese bedeuairt wert niet gedaen dit jair.
	Dit is van goude.	Dese wech is der bedeuairt zere ontsienlic ende sy ne wert niet gedaen dit iair.
	In dit verholen dinc is smaec ende roec.	Die peregrim off die bedeganger is dit iair seker ende hij sal sijn begeerte voldoen by hem.
	In dit verholen dinc is lichticheit.	De wech is seker nochtan wert hem die bedeuairt niet gedaen ten sij int ander jair.

(fol. 21r)xxiij Vanden vechtere.	xxiiij Vander leefftocht.	xxv Vanden geualle des jairs.
Hy sal sterck wesen ende vroom ende sal vechten.	De coep sal bliuen in sinen staet, ende int eynde vanden iaer sal hij dier werden.	Het werden dit jair vele goede dingen ende vele heerscapien.
De wech sal ten anderen dingen comen dan te vechtene sonder vreese.	De coop wert ontslegen in dit iair ende ontdieren ende men sals niet roeken.	In dit jair wert vele goets ende die dingen werden den menschen gemenicht.
De wech en sal hem niet mogen voldaen werden om des vechtens wille ende hij sal weder comen sijns willen.	De coep wert dit jair ontslegen ondiere ende niet diere werden.	Int beginsel so wert dier tijt ende int laetste volheit ende god weet.
Dese kemp is wedercomende vanden vechtene ende gaet hire toe hij blijffter.	De coop wert ondier dit iair al ist datmen de dingen niet en vint.	Dit wert een jair van vele goets ende van auenturen mer luttel beesten.
Blijfti in de meninge van vechtene so duchtmen voir sijn wedercomen.	De coop wert in dit jair middelbair.	In dit jair wert goet ende vele vercopens ende tvolc sal vele bootsen hebben.
Eest dat hij vecht te duchten is dat sijn bloet gestort werdt, ende dat hij verloren wert.	De coop wert dit iair middelbair ende de beste sullen ondieren.	In dit jair wert een bloetstortinge ende te duchten is voir den menschen.
Sijn staet wert middelbair ende beter is tvechten gelaten dan gedaen.	De coop wert ondier dit iair ende sal niet dieren moigen.	Dit wert een voldrachtich iair, ende vele dingen sullen in hair eynde nemen.
Dese wech sal hem doden ende tverleggen wair hem best.	De coop wert ontslegen mit crachte ende tgoed sal zere vloeyen.	Dit wert een jair van vele salicheden nutlicheden ende vele goets.