[De rechter Acquisitio]

(fol. 41v) Acquisitio 9	j Tgeual der meeninge gemeenlike.	ij Van den coninge.
	Dit is een teken van twe bergen verholenre dingen in der ander wiue kyesen ende ander dingen ende diese soect die vintse.	Hy sal vercrigen goetdoen vanden coninc ende dairna moeten arbeyden in sijnen heesch, ende sal gemoeyt werden.
	Dit is teken der auenturen ende der geenre die auenture soeken, ende der geenre die dat niet hebben moigen ter begeerte dat si na hebben sullen mit arbeyden.	Hy sal vercrigen goet vanden coninc, ende hi wert van vele auonturen mit hem, ende hem wert beuolen de verlonnisse of de forefaiten.
	Dit is teken des geens die soect verloren dinc off dat vter hant is ende is in wanhope, nochtan sal hij wat vercrigen.	Hem is goet dat hij den coninc niet by en sij, ende dat geen dinc en sij tusschen hem beeden ouermids der scade.
	Dit is teken des geens die soect goetdoen van yemande van voetgangers of van lieden die buten sijn ende hij sal wat vercrigen.	Beter is hem vanden coninc te bliuen dan by te wesen ende teenen betren einde comen.
	Dit is teken van allen droeue dingen, ende een dinc arbeit doende ende moeyenisse ende eens siecs menschen geuangen, ende eens die soect scult of ander dinc.	Hem sal harde starck vreese toecomen vanden coninc ende te duchten is dat hij geuangen wert.
	Dit is teken des geens die onder gebot des coninx is, ende begeert vry te sijn ende orbair van hem.	Hy wert de naeste bijden coninc ende dair na wert hij belet ende hinder der af hebben mer teinde wert goet.
	Dat is teken eens die auenture soect ende hij sal vercrigen dat hij soect ende goet te wege.	Dese sal mitten coninc staen middelbairlic ende beter is dat hij den coninc niet by en sij.
	Dit is teken des geens die soect van dingen die hem verre sijn of wt sijnre handen gegaen, ende begeerse weder te crigene.	Hem sullen vanden coninc vallen arbeit moeynisse ende vele woirden sonder bate.

(fol. 42r) iij Vanden rechte.	iiij Vander rijchede.	v Off hij vercrigen sal dat hi begert.
Tvonnesse sal mit hem gewijst werden ende saller af vercrigen goet ende arbeit.	Hy sal hebben vele hauen ende lichtelic vercrigen, ende hem sal genoech bliuen.	Dit sal hem geschien ende hij salt vercrigen cort.
Hem sal moeynisse ende belet toecomen ende hem sal plait geuallen in die clage.	Hy sal gelt vercrigen wt vele wegen dair hij niet in gearbeyt en sal hebben.	Dit dinc sal hem geschien ende hij salt cort vercrigen.
Hy sal sijn sake togen ende wederseggen den eet ende en sal ter redene niet moigen comen.	Sijn geual wert middelbair in gelt te vercrigene ende sal verliesen wat hem te hant coempt.	Hy sal om dit te vercrigene gemoeit werden, ende niet dair af hebben ende best is hem tlaten.
Hem sullen toecomen woirden ende plait ende hij saller in vercrigen goet.	Hy sal gelt vercrigen mit reysene ende mit beroerten te maten.	Hy sal hier om beroert sijn ende arbeiden, der na lettel dair aff vercrigen.
Sijn aduersaris sal hem verwinnen ende van hem vercrigen een deel des hij begeert.	Hy sal goet vercrigen by den toedoene der wiuen ende sal lettel dair toe dogen.	Dit wert opgehouden een tijt ende na wanhope sal hire een deel aff vercrigen.
Hem sullen vele woirden toe comen ende der na wert hair beeder sake gemiddelt ende gepaist.	Sijn vercrigen des goets wert in valschen ende in onsienlike dingen.	Beter is niet gesocht om die menichte des arbeits want hire niet af en soude vercrigen.
Hy sal om lanc wt deser clage vercrigen bate.	Hy sal vele goets vercrigen ende van vele menschen.	Dit dinc sal hij vercrigen in sijne handen ende sijn wille dair mede doen.
Dese sal in de clage middelbair staen soe hoe men wijst met hen also salmen wijsen iegen hem.	Int vercrigen des goets sal hij middelbair wesen ende tuercrigen hoeden.	Hy sal dit vercrigen om lanc ende mit anxte ende mit helpe van andren lieden.

(fol. 42v)	vj Vanden huweleke.	vij Vander dracht.
	Dit wert een bequame huelic ende hi sal vercrigen dat hij wille na arbeit ende moeynisse ende twijf sal cort wesen mit groten ogen.	Dit wert een dracht goede ende bequame ende sij sal baren enen geluckegen ende gehelichden zone.
	Hy sal lieden in dit huelic arbeit ende verschedenisse.	Dit wert ene goede dracht ende sterc ende si sal baren enen zone ende sal dit kent weder dragende werden.
	Dit wert een bequame huelic ende hi sal dair in vercrigen goet ende van desen wiue sal hij ouervloeyende rijc werden.	Dese sal baren een dochter ende sal van vele gepens wesen ende vol arbeits.
	Dit huelic wert int einde bedoruen ende ontslegen off versceeden, ende het wert mit andren saken belet.	Eest dat dese dracht voldragen wert so sal sij een dochter baren na werc ende arbeit.
	De geuallen van desen hueleke werden onbequamelic ende tlaten best.	Dese dracht wert voldragen ende teinde goet ende si sal baren een dochter sterc ende gesont.
	Eest dat de huelic volbracht wert so suller aff geuallen woorden, sceldingen, moeynissen ende scaden.	Na dat sij twee weruen tontide gebairt sal hebben, so wert dese dracht voldragen ende sij sal baren een dochter.
	Dit huelic wert verlanct, ende est dat toegaet dat comt hem te scade, ende beter wairt gelaten.	Dese wert voldragen ende se sal droeue wesen van duchte tontide te barene, dair na salse baren een dochter gesont ende sterck.
	Dit huelic sal toecomen wt eenen onrechten wege ende comtet toe hi sal mit hair gemoeyt werden.	Dese dracht en mach niet voldragen werden.

(fol. 43r) viij Vanden siecken.	ix Vander belegenre stat.	x Off sij kint hebben sall.
Dese siecte wert verlanct ende men ducht voir hem ende alre meest wert hij belemmert onder den oxel.	Dese stat en wert niet gewonnen noch hair viant en sal hair niet hindren.	Late sal sij kindren ontfaen ende dat sullen dochteren wesen.
Sijn siecte wert verlangt ende hij sal vele lijden mer teinde sal goet wesen.	Dese stat wert behouden voor beginsele, ende si sullen onderlinge bynnen vechten nochtan salt eynde goet sijn.	In hare outheit salse kindren ontfaen ende meest dochteren ende niet vele zonen.
Dese siecte wert ouerdragende ende men hoept dair na der baten.	Dese stat sal scade lijden ende te duchten is voir hair.	Tgeual van desen wert middelbair ende se sal een ontfain dair hair niet mede behulpen sal wesen.
Dese siecken sal toecomen ondersceet ende int einde sterc ende gesont werden.	Dese stat sal scade lijden ende vele der burgers sullen vlien.	Desen is den ontfanc verboden ende ontfaet sij kinderen die en sullen niet lange leuen.
Dese siecte wert verlanct ende hi sal nv eens nv anders verandren ende niet ontsien.	Dese stat en der niet duchten nochtan salre hair vyant lang op bliuen.	Dese sal hebben een getal der kindren ende eerst een dochter dan zonen.
Teynde deser siecte wert gesondicheit ruste ende behoudenisse.	De viant sal van deser stat sceden ende teinde wert goet.	Dese sal kindren hebben zonen ende dochteren van vele wiuen.
Te duchten is voir desen zieken om tuerlangen des euels mit wanhope.	Dese stat wert bedwongen ende de viant saller in comen sonder bederuenisse.	Dese sal kindren hebben te mate ende men twiuelt an de zonen.
Dese sieke is weder in geuallen ende der om men bereede de pellen ende alremeest coemt in die vrage puella.	Dese stat wert bescaet ende bedoruen, ende hair geuallen sullen zere quaet wesen.	Dese sal dochteren hebben ende dair mede gemoeit sijn dair om wair tlaten best.

(fol. 43v)	xj Vander dieffte.	xij Vander reyse.
	Dese diefte wert wedercregen ende also tuerlies cort, sonder arbeit ende belet.	Dese en sal sijn reyse niet mogen doen want hij belet is.
	Dese diefte wert opgehouden een tijt ende dair na vercregen sonder belet.	Sijn meninge sal wesen de reyse te doen mer hi sal mit andren dingen belet wesen so datse niet voldaen en wert.
	Dit is een teken des verlies dat niet vercregen en wert, ende hij dient toehoirde sal denken om een ander.	Dese reise wert geluckich ende hij salre in vercrigen sijn begeerte ende goet.
	Dese diefte is gedregen vten lande ende een deel ouerbracht ende dair nae wertse wedercregen.	Sijn reyse wert vertraecht nochtan sal hi vergaderen wasdom ende vele goets.
	Dit heeft een man gestolen ende gedregen teens wijfs, ende sal verholen bliuen een tijt, ende dair na wert geopenbairt ende vercregen.	Dese reyse wert hem tsuere ende tlaten wair hem best.
	Dese diefte wert om lanc wedercregen ende sal doen de coninc off de here, ende also tuerlies.	Dese reise wert belet, nochtan sal hij gaen, ende goet vercrigen dat hij bergen off helen sal.
	Dese diefte wert wedercregen cort ende sonder arbeit, ende also tuerlies.	Dese reyse wert niet voldaen, ende tbliuen is hem best.
	(D) it wert lanc eert vercregen wert ende dair na wertet vonden ende also tuerlies.	Dese sal sijn reyse doen ende haest wedercomen mit luttel baten.

(fol. 44r) xiij Van dien die van ogen is.	xiiij Vanden geuangene.	xv Vanden regen.
Comt in de vrage caput ymun, thoft onderst, so is hi mitten vrager int lant inde comter albus so comt hi omlanc.	Dese sal lange geuangen bliuen, ende dair na wert hij verlost.	De regen wert dit jair opgehouden ende dat sal den volke hinder doen.
Dese sal weder te lande comen ende hi is gesont ende rike.	Dese is geuangen met andren luyden ende hij en sal genen noot hebben.	De regen wert een lettel opgehouden, ende dairna salt regen stortten een pairlic.
Dese en sal niet weder comen in deser tijt.	Dese wert verlost na dat hij gifte gegeuen sal hebben die hem hinder doen sal.	Dese regen en sal te sijnen tijde niet vallen.
Dese sal weder comen na dat hij gegaen sal hebben verder dan hij was.	Dese wert haest verlost na dat hij gegeuen sal hebben haire best.	Dit jair salt zeere wayen ende zere regenen.
Desen wert sijn onscout gedaen mer dair na sal hij comen ende dat sal des wijfs meninge wesen of in hair gedochte.	Dese sal lange geuangen bliuen, ende dair na verlost.	Int beginsel vanden iaire wert de regen opgehouden ende dair na int eynde salse toecomen.
Dese sal corttelic wedercomen te sijnen lande.	Dese wert verleet van carker te carkere ende versmaet vanden coninc ende der na verlost.	Dit jair salt regenen te mate dair den volke mede gehulpen sal wesen.
Dese sal wedercomen mit groter baten.	Dese wert verlost om lanc.	Dit jair salt lettel regenen ende den volke gene scade doen.
Dese sal een verren wech gaen, ende dair na weder comen.	Teinde van desen geuangen sal goet werden, ende hi sall verlost werden ende vercrigen goet ende geluc vanden vangere.	De regen wert dit iair middelbair.

(fol. 44v)	xvj Vanden begrauen dinge.	xvij Vander comenscap.
	Dit is seker ende dair is vele gracien in ende wiet soect ende wech dragen wille die salt vinden ende sijn stede is int noorden.	De geuallen van deser comenscip sullen zere goet wesen ende van groten wasdomme.
	Dit is seker in welken men vele soeken sal ende is zere arbeydelic ende sijn stede is tusschen den westen ende den noorden.	Dese comenscap wert vol wasdoms ende alremeest isser yet gebondens.
	Hier en is niet begrauen ende wier om arbeyt verlieser sijn pijn om, ende wert om niet gemoeyt.	Hier en is niet goets aen te doen ende tlaten best.
	Hier en is niet begrauen.	Dit en is geen oirbairlic teken ende hij sal hebben gebrec ende arbeyt.
	Dit is seker ende int soeken moeylic ende is in tween steden west ende zuyt.	Dese mersserie is gebonden dinc ende van groten orbair.
	Men vermoet hier wat begrauens, ende is verboden zoekens, ende wie dat soect hi mach hem moeyen, mer hi ne salre niet toe mogen comen.	Hier wert bate ende wasdom an nochtan werter verbeyt in ende moeynisse.
	Dit heeft gesocht geweest ende is in een stede dair men niet toecomen en mach.	Dese comenscap is vol wasdoms ende hij sal vercrijgen grote bate.
	Hyer en is nyet.	Dese wert bequame ende van goeder baten ende varinc vercocht.

(fol. 45r) xviij Vanden wtgaenden heere.	xix Vanden toegaenden heere.	xx Vanden tween heeren.
Men ducht voir den wtganc van desen heere mer het sal bet mit hem staen.	Dit heere sal toegaen ende men ducht dat tmeeste deel wederkere ende vrese lide.	De zake van desen twe heeren wert opgehouden ende sij werden versceden.
Desen wtganc wert belet ende theere salre sijn voertsetten aff keren.	Dit sal mit moeynesse toegaen ende anxte lijden mer teinde sal goet werden.	De sake van desen twe heeren wert geeindt int beste.
Tgeual van desen wtgange sal zere quaet vallen, dairom is staen best.	Dit heere sal tusschen den toeganc ende den stane bliuen ende staen is hem best.	Tusschen beede sullen beloften wesen ende hair sake sal verandren te paise ende vrede.
Dit heere sal wederkeren van den wege.	Dit heere sal ghaen ende traech toegaen ende sal bescadt werden in sinen wech.	Dese en sullen niet mogen vergaderen ende hair sake sal omslegen ende versceeden wesen.
Dit heere sal geureedt werden ende tuutgaen wair best.	Eest dat dit heere toegaet het wert verwonnen ende staen is hem best.	Dese sijn narer den paise ende den gemoetene ende dair ne wert geen bloet gestort.
De geuallen van desen heere sullen goet sijn ende sijne saken middelbair int goede ende int quade.	Dit sal beter werden te gaen ter steden dairt begeert.	Tusschen dese twe heeren wert grote twist ende dair na werden sij geureedt.
De geuallen van desen heere werden middelbair ten sal noch goet noch quaet hebben.	Dit heere sal int toegaen vele winnen nochtan en salt niet comen ter stede dairt begeert.	Werden sij vergadert dat heere dat began wert verwonnen want sij luttel striden sullen.
Dit heere en mach sijnen wtganc niet voldoen mer het wert cort anders beroert.	Dit en sal niet toegaen ende sijn vorset wert verandert.	Dese en mogen niet vergaderen ende teen en sal tander niet ontsien.

(fol. 45v)	xxj Vanden verholen dinge.	xxij Vander bedeuairt.
	Dit is dinc dat den mijnen bouen gaet ende dair is ioncheit in.	Dese bedeuairt en wert van desen iair niet gedaen.
	Dit verholen dinc is van minen ende is zwaert ende swart van varewe.	Dese bedeuairt wert verandert dit iair.
	Dit is van planten off van minen ende is licht ende subtijl.	Dese bedeuairt en wert niet voldaen dit jair.
	Dit is van planten ende is langachtich.	Dese sal wt trecken om de bedeuairt te doene mer se wert hem tsuere.
	In dit verholen dinc is rontheit.	Dese bedeuairt en wert vanden iair voldaen.
	Dit verholen is meest genegen te minen.	Dese bedeuairt wert verandert dit iair by syns selffs wille.
	Dit verholen dinc is van mijnen ende van vele werts.	Dese bedeuairt wert belet dit iair mer tander iair na volgende wertse voldaen.
	Dit verholen dinc is van planten.	Hy sal ter bedeuairt beroert werden nochtan sal hijse dat iair niet doen.

(fol. 46r) xxiij Vanden vechtere.	xxiiij Vanden coop der leeftochte.	xxv Vanden geualle des jairs.
Dese sal sijns willen des vechtens ledich staen.	De coop wert diere dit iair, al is int iair vele wins ende wasdoms.	Dit wert een iair middelbair ende tuolc (... ?).
Dese en sal niet voluechten ende tlaten best.	De coop blijft staende ende sal dieren sonder ter deerne der spisen.	Dit wert een iair van vele goets oueruloeyende drachtich ende milde.
Dese wert bescaedt int vechten ende tlaten best.	De coop wert dit iair ontslegen, ende niet diere.	Dit iair sullen vele sonderlingheden vallen ende scaden.
Hy wert beroert te vechtene ende salre toegaen ende te duchten is voir sijn scade.	De coop blijft staende ende by lichte hij sal ontdieren.	Dit wert een seker iair, ende tvolc wert beroert.
Hy sal sijns willen tvechten aff laten biden toedoen van enen wiue.	In de twee yerste delen vanden iair so wert de coop dier, ende int lest ondiere.	In dit jair wert vele goets ende den volke vreese vanden loninge.
Hy sal nernst wesen om den heesch te vechtene ende en sal mogen dit jair.	De coop wert dit iair dier ende dair na ontslegen.	In dit jair sullen werden onweder, honger, mer int eynde wert goet.
Hy sal vechten dit jair ende verwinnen, ende hem wert gehulpen.	De coop blijfft dit iair staende sonder toedoen off affdoen.	Tgoet des jairs wert vele ende teinde goet ende seker.
Hy wert beroert te vechtene, ende hem en sal niet gemoeten inden wech.	De coop wert verandert ter bate, ende wert omslegen.	Dit wert een seker jair den reysen te vercrigene goet ende voirspoet.

(fol. 46v) 10	j Vander meeninge gemeenlike.	ij Vanden coninge.
	Dit is een teken der tiegenwoirdiger bliscepen des solaes der hueleken, ende wien dit vertoocht wert moet emmer in steden der bliscepen ende der hueleken wesen.	Hy sal vanden coninc gecrigen duecht ende cracht, dair na wert hij lang van hem.
	Dit is een teken des geens de soect sandeghe dingen, edele lieden hi moet gedoechsam ende verbeydende wesen, ende sijn ende wert louelic.	Dese sal verre vanden coninc wesen sonder scade ende bate.
	Dit is teken der vrese des medewonens, des geuangens, ende alle de gene die in hindernisse ende in bederuenissen sijn.	De geuallen van desen sullen bi den coninc goet wesen, ende sal goetdoen van hem vercrigen als van sijnen dienste.
	Dit is teken des geens die soect ouerlidende dinc geenre werden, ende hi salt vercrigen, ende ten sal in sijn machte niet bliuen, ende tlaten best.	Hy sal vreese hebben ende gepensen vanden coninc sonder deeren.
	Dit is teken des mans dairmen diefte op vermoedt, off des geens die in vresén is.	Desen sal vanden coninc geschien droefheit, druc ende sal in vreesen vallen.
	Dit is teken eens wiens recht kenlic off bekent is ende is eens deels tsijnen recht toecomen ende wille sijn sake volbrengen ende is tontsiene.	Dese sal sijnen heesch vercrigen vanden coninge sonder wtstel ende verbeyde.
	Dit is teken eens die iet maken wille dair hij goet af vercrigen mach, ende ontfaen scult of enige cleedren copen.	Hy sal vanden coninc vercrigen goet ende profijt, ende letteren ende diemen hem (... ?).
	Dit is teken des geens die soect gracien by wegen die wittelic seker ende goet sijn.	Hy sal vanden coninc gecrigen bate ende brieuen of instrumenten om lanc.

(fol. 47r) iij Van dien die recht begert.	iiij Vander rijchede.	v Van dien de enich dinc soect.
Tvonnesse sal met hem gaen ende niet tiegen hem sijn taelman sal winnen.	Hy salt goet vercrigen wt geluckige saken, ende reysen ende sal zere rijc sijn.	Dit en mach hem niet geschien ten sij by enen wiue.
Dese sal bedwongen werden ende gemoeit in sijnre sake ende teinde wert goet.	Tuercrigen der rijcheden sal wesen wt harden saken ende edel, ende hi sal rijcke werden in sijne laetsten.	Hy sal om dit gemoi werden in sijnen moet ende zere beroert ende niet vercrigen.
Dese sal vallen in vele plaits ende in vele vonnessen, ende int eynde verwinnen.	Dese sal goet gecrigen ende machtich wesen, ende hi en mach niet arm werden.	Lichte sal dese dit vercrigen.
Lichte sal dese sijn rechte behouden, ende ander dinc des hij niet werdich en is.	Dese sal gelt vercrigen te maten.	Dit wert snels vercregen mer teynde wert quaet.
Dese sal begeren des hi niet wert en is in dit gerechte, ende dat sijn recht niet en is ende sal liegen.	Dese sal lettel gelts hebben ende wat hi vercrijcht dat sal hi hebben wt twiuelende dingen.	Hy sal by der hant van eenen wiue dit vercrigen, off by enen sonder bairt.
Hy sal sijn recht behouden by lange tijden ende by gedoechsamheit.	Dese sal van vele rijcheden ende groet vercrigens wesen sonder moeynisse.	Dit sal hij in sijne handen hebben nochtan sal hem een dinc geuallen dat hem dairaf beletten sall.
Tuonnisse sal mit hem gaen ende sal comen te sinen rechte ende sinen aduersaris verwinnen.	Hy sal goet vercrigen mit mersseryen, ende wegen te maten.	Dit sal hi vercrigen mer hij moet dair ierst om hebben vele quellinge ende onlede.
Hy sal te sinen rechte comen mids sinen taelman ende vercrigen brieuen ende priuilegien.	Dese sal hebben rijcheden gracien ende miltheden ende sijne geuallen zere scoene.	Dit dinc is voldaen in sijne handen al eest cleene.

(fol. 47v)	vj Vanden hueleke.	vij Van der dracht.
	Dit is teken der vruechden ende der hueleken, ende sal de sake des huelix verbliden, ende wiet soect wintet, ende werter in blide ende verhuecht.	Dese dracht wert goet ende tbaren gehelicht, ende dair wert geboren eene dochter geluckich.
	De sake van dese hueleke werden seere verlanget, der na wert hairer twier heesch den huelics te niet gedaen.	Dese dragen vrou naire is biden barene, ende is droeue, ende wert een zone geboren.
	Dit wert een harde quaet huelic want dair sullen onderlinge vallen scone woorden gemenct mit valscheden ende mit bedriege.	Dese dracht mach tontide geboren werden, ende de dracht sal een beginsel hebben.
	Elc van desen tween sal werdich wesen in toebrengen ende elc den andren begeren mit enen droeuen einde.	Es dese dracht vanden laetsten so sal si snelle baren mer esse vanden eersten so duchtmen voir tontidige baren.
	Tusschen dese twe gehuede en sall geen bekennen af comen, ende hair dingen werden al gemenget mit logenen.	Sy sal baren enen zone, dair sij in vele vreesen om wesen sall.
	De sake van desen hueleke wert opgehouden, ende best eest dat sij deen den andren niet en bekennen.	Dese wert voldragen, ende sij sal baren een dochter ende men ducht voir de gebuerte.
	De geuallen van desen hueleke werden gehelicht ende salre in vercrigen gracie ende goedt.	Sy sal baren enen zone gehelicht ende gesont.
	Dit wert een helich ende ewich huelic nochtan niet mynlic al hebben se vele auenturen.	Dese dragende sal gesont sijn, ende de dracht wiuelic ende zere snel sal si baren.

(fol. 48r) viij Vanden ziecken.	ix Vander belegenre stat.	x Off si kint hebben sall.
Dese sieke sal bedwongen off geperst wesen in dese siecte ende teynde goet.	Dese stat sal te lijden hebben mer het sal sijn sonder anxt.	Si sal kindren ontfaen ende der in verbliden, ende goet der mede vercrigen ende gracie ende si sullen voirspoedich sijn.
De geuallen van deser siecte werden swair, ende men sal hem bewenen ende der na wert hi verlost.	Dese stat en wert niet gewonnen van haren beligger mer sij sal bedwongen werden.	Sy sal kindren ontfaen ende meest dochteren, edel ende geeert.
Dese siecke mach haestelic steruen of bij blode ende sijn geuallen werden quaet genoech.	De beliggere sullen in dese stat gaen, ende te duchten is dat sij vercocht wert van enigen vanden burgers.	Dese sal kindren hebben ende men ducht voir vele der kindren, de wile datse cleen sijn.
Te duchten is dat dese siecke eene vloet come, ende dat hij van dien wtgeuene hinder gewinne.	De geuallen der stat ende der beliggere sullen quaet sijn.	Vele van hoiren kindren, sullen tontide geboren werden, ende esser lettel so sullen si niet leuen.
Dese siecte leget int hoeft ende in de kele, ende de siecte wert verlangt, ende hij wert verlost.	Te duchten is voir dese stat om der omgestadicheit der burgers, ende om haire grote vreeze.	Dese sal cleen auenture hebben te kindren, mids der vreese ende siecten die hair toecomende sijn.
Dese siecte wert verlangt ende zere isser voir te duchten coemt in de vrage. Auenture de meest.	Tbeliggen van deser stat wert verlanct, ende de viant saller in gaen ombescaedt.	Sy sal kindren ontfaen, ende so myn so beter.
Voir dese sieke en is niet te duchten want sijn einde wert goet.	Dese stat sal seker wesen sonder bloet stortinge ende sonder rouwe.	Dese sal dochteren hebben geluckich, ende zonen, ende sij sullen verscheden werden.
Dese siecke wert verlost ende die gesondicheit is hem by.	De viant sal vander stat vercrigen goet nochtan en sal hise niet mogen winnen.	Hy sal vele kindren hebben in sijn ioncheit by vele wiuen.

(fol. 48v)	xj Vander diefte.	xij Vander reyse.
	Dese dieffte ende tuerlies en mach niet wedercregen werden al wair de dief voir den heescher, ende diet gestolen heeft was ende is een van de dienaren.	Dese reyse wert niet voldaen, ende wertse voldaen, so wertse so lanc dat men re een wanhagen in hebben sal.
	Dese diefte wert lanc hairs vercrigens ende wert verandert ter ander stede ende also tuerlies.	Dese reyse wert zere lanc ende hij sal in sijne wege sien edele steden off kercken.
	In dese diefte is wat gouts ende tvercrigen wert verlanct, ende des verlies wert omlanc een deel weder gecregen.	Hy sal gaen ende wedercomen ende in de reyse wert hij quaets onthoudens ende onsalich leuens.
	Dese diefte wert weder cregen ende te duchten is voir den dieff dat hij geslagen wert ende bescaemt, ende also tuerlies.	Dese en sal niet mogen reysen est oit dat hij reyst hem sal gemoeten druc ende hinder.
	Dese diefte en wert niet wedercregen ende is de dief een maechdelijn of een kint of een van hemelscher varewen ende tuercrigen des verlies wert verlanct.	Wert dese reyse gedaen so is te duchten voir hem, want hem tlaten best waire.
	Dese diefte heefft genomen een ionc wijf beneden hair jaren, ende der wert een deel aff vercregen ende also vanden verliese.	Dese en sal sijn reyse niet mogen doen, want hi onmogende is, ende beter is hem tlaten.
	Die dit nam en is geen dief, mer het is gedaen om solaes, ende is eene vanden dieneren vanden huyse, ende tuerlies wert wedercregen.	Sijn reyse wert gehelicht, ende nutte, ende salre goet in vercrigen.
	Dit teken wert niet geuonden in de diefte ende wie met desen teken diefte ondersoect, die wert verwonnen.	Doet hij de reyse hij sal grote auenture hebben, ende so sal hij oic al blijfft hij.

(fol. 49r) xiij Van enen die van ogen is.	xiiij Van den geuangene.	xv Vanden reghen.
Dese en sal niet weder comen int jair dairmen in om hem vraeght.	De vangenisse van desen wert verlanct ende dair na wert hij verlost.	Dit jair salt zere luttel regenen ende tvolc werter by bescaet.
Hyne denct om geen weder comen mer men hoept op sijn comste om lanc.	Hy wert verlost vander vangenisse ter bester mate.	De regen wert dit jair opgehouden.
Dese sal grote scade lijden ende men hoept op sijn comste.	Sijn vangen wert verlanct ende te duchten is dat hi geslegen wert ende bescaemt.	Dit jair salt regenen te maten ende de wolken sullen zere root werden.
Dese sal wedercomen sonder gout ende siluer ende van quaden onthoudene.	Sijn vangenisse wert verlanct ende te duchten is voir sijn doot in den carker.	Dit jair salt vele regens vallen eenpairlic ende sonder ophouden.
Twedercomen van desen wert belet ende hi sal in anxte wesen.	Dese sal siec werden in de vangenisse, ende wert hij gesont so wert hij verlost.	Int vterste vanden jair salt regenen, alst niet van node en is.
Dese is onder eens anders macht, ende het belet een ander dat hi niet en comt die hem hout.	Dese vangenisse wert verlanct ende dair voir is te duchten.	De regen sal vertragen dit jair ende den volke deeren, der na salt een lettel regenen.
Dese is biden wedercomen ende sal auenture hebben die hij weder verliesen sal.	Dese wert verlost na datmen om hem gescreuen sal hebben ende sal een goet einde hebben.	De regen sal bliuen in sijnen staet.
Dese sal wedercomen ende vele dincs mit hem, ende van goeden onthoudene.	Dese wert een lettel belet ende dair na wert hi lichtelic verlost.	Dit jair salt vele regens vallen, goet ende orbairlic.

(fol. 49v)	xvj Vanden begrauen dinge.	xvij Vander comenscap.
	Dit begrauen dinc is seker.	Dese mersseye sal wesen sonder scade ende sonder bate, ende sij wair beter gelaten dan gesocht.
	Te desen begrauen dinge en sal niement mogen comen.	Hy ne sal te desen niet mogen comen ende comter toe, so sal hir in arbeyden.
	Dit is seker, ende is in een stede onder de gebueren, en emmer toe esser een deel afgedaen.	Dese wer best achtergelaten, want se scadelic is.
	Dit is seker ende is in een ander stede dan men waent, ende is west wert van dair ment soect.	Dese comenscip wert licht vercregen ende twasdome is cleyne.
	Hier en is niet begrauen nochtan salre vreese ende anxte om vallen.	Dit wert van harden copene ende vercopene ende van moeyleke wasdome.
	Dit is seker diet soect salt vercrigen goet ende orbaere, ende leget oest wert vander stede dan ment soect.	Hy sal van desen comenscip gecrigen goet ende profijt nochtan salse hem lange by bliuen.
	Hier en is niet begrauen.	Dese wert goet, ende alremeest esser wat wits.
	Hier en is geen scat noch orbairlic dinc begrauen dair om en doechter niet gesocht.	In dese sal hij gecrigen voirspoet vele goets ende profijts.

(fol. 50r) xviij Vanden wtgaenden heere.	xix Vanden toegaenden heere.	xx Vanden tween heeren.
Dit wtgaende heere sal verwinnen, ende hem wert gehulpen ter bester mate.	Desen heere wert gehulpen nochtan en salt ten andren niet mogen comen.	Werden dese vergadert, de outste beleder sal verwinnen.
Dit hem sal wt trecken ende goet vercrigen.	De toeganc van desen heere wert belet, ende sal dincken om een beter.	Dese en sullen niet gemoeten mer vlien teen vanden andre.
Dit heere wert gemoeit, ende de bloetstortinge wert gepaist.	De geuallen van desen heere werden quaet, ende het sal van sijnen vianden goet vercrigen, ende sijn raet wert verandert.	De geuallen van desen heeren werden quaet ende emmer sonder schade.
Dit heere en sal sijnen wtganc niet veruullen, ende est dat het wtgaet het sal mit scade wedercomen.	Dit heere sal toegaen ende liden scade ende anxten.	Teen sal tander ontsien mit vervaerder hertten.
Eest dat dit heere wtgaet het sal lijden, ende dogen, ende niet verblijden, ende tletten best.	Eest dat dit heere toegaet het sal in vreese ende moeynesse vallen, ende vele sulder afgaen.	Eest dat dese vergaderen so sal dat oesterse verwynnen.
Desen wtganc en wert niet voldaen en de sijn verderffenisse is hem bij.	Dit heere sal niet toegaen om den ouercomende viant est dat toegaet het verliest.	Een ygelic here sal vanden andren goet gecrigen ende sullen hem teen vanden andren houden.
Dese saken van desen heere werden verandert, ende dair na salt wt trecken.	Eest dat dit heere toegaet het sal goet vercrigen.	Tusschen dese twee mach geen quaet geschien ende hem werden brieuen onderlinge gescreuen.
Eest dat dit heere wtgaet het sal grote auenture hebben, ende orbair doen sonder vreese ende quaet.	Dit heere sal dencken om goet, sonder twiuel het sal goet vercrigen ter stede.	Hier sullen bode tusschen lopen, ende si sullen beloeften doen, ende tgeschille wert te niete gedaen.

(fol. 50v)	xxj Vanden verholen dinge.	xxij Van der Bedeuairt.
	Dit is van drierhande cruden, ende in enige sijn goede roken, ende dair is rontheit in.	Dese sal de bedeuart doen, ende sal inden wech hebben dat hij wille.
	Dit is van dierbair dingen, ende mit enigen dinge geuest dat hart is.	Dese bedeuart wert wtgeset, ende dair na sal hise doen.
	Dit is een dinc van wonderleken smaken ende lichte, ende sijn roke en is niet goet noch lieflic.	Hy ne sal de bedeuairt dit iair niet doen, ende tuerbeyden is best, want hi vreese hadde ende arbeit.
	Hier is varewe verandert in zwerthede ende dair is onreyn dinc in off dat wt donckerhede coemt.	Sijn voertsetten vander bedeuairt wert afgeset ende werter sijns willen aff bekeert.
	Dit verholen dinc is van minen ende dair is maetselrie in.	Hyne sal de bedeuart dit iair niet doen, ende dat sal beletten een wijff.
	In dit is meest planten, ende minen wiueliker namen wter siden besmet ende der is hartheit in.	De meninge van deser bedeuairt wert wtgeset, ende hi sal letten sonder twiuel.
	In dit verholen dinc is meest planten ende is van lichten tastene of voudelic dinc	Hy sal gaen ende de bedeuairt doen, ende dair na gaen tot eenre andre stede verder.
	Dat hier in meest is, dat is van planten, ende dinc der witheit naest in welc is een besmette stede, ende is dinc datmen vouden mach.	Dese staet in wankelhede, als nv wille hi, als nv en wil hi niet.

(fol. 51r) xxiij Vanden vechtere.	xxiiij Vanden coop der leeftocht.	xxv Tgeualle vanden jair.
Eest dat hij wtgaet te duchten is dat hij vanden wege niet weder en come.	De coop is diere ende der na wert hi ontslegen nochtan sal de spise luttel dierbair sijn.	Dit sal een goet jair sijn ende recht sal den rechte geschien.
De wech des vechtens wert niet veruult, ende est dat hi veruult wert hi sal verwinnen ende wert verandert.	De coop blijft int eerste staende, ende so verder voirt so hij dierer werden sall.	Dit wert een jair van goeden geualle ende sterc, ende int volc sal vele gescils wesen.
Te duchten is van hem in dit vechten dat hij doot geslegen wert sonder twiuel.	Int middel vanden jaire sal de coop dieren ende haest omslaen.	Dit jair werden zwaer ziecten ende tuolc in scade, in moeyenisse ende in gepense.
Dit jair en sal hij niet vechten, ende hij sal weder keren sijns willen.	De coop sal bliuen staende ondier, ende niet dieren.	Dit wert een jair van vele moeynisse om de gifte.
Comt dese te vechtene, tes te duchten dat hij inden wech geuangen wert.	Int beginsel vanden iare sal de coop dieren, ende dair na ondieren.	Dit jair wert van middelbair geualle, nochtan sullent vele vreesen sijn.
Hy sal ophouden te vechtene dit jair ende dat is hem best.	De coopen bliuen staende dair na wert de spise diere sonder gebreck.	Dit wert een salich jair ende van vele gracien nochtan sullen int einde moeyenissen vallen.
Dese sal vechten ende weder comen stercker mit eenen goeden gesonden liue.	Dese coop sal wt gaen te wille, ende ontslegen werden.	Dit wert een jair vol goets ende tuolc sal seker sijn, ende al mit salicheden.
Desen en wert tuechten niet volbracht, want in dit teken en is twist noch vechtinge.	De coop sal staende bliuen een wile ende dair na ondieren.	Dit wert een jair van vele goets, ende groter baten, ende sal den volke toecomen in menigerhande manieren.