[vs. 365-424]aant.
Die achtste grave was
Van Brabant, also ic las,366
Hiet die grave Lambrecht,
Die goet was ende gerecht,
Ende hadde een sone, die Godevaert369
370.
Hiet metten Baerde, die vermaert
Was ende een edel man,
Daer ic dit dichte om began.372
Alse die grave Lambrecht sterf,373
Sijn sone Godevaert 't rike verwerf,
Ende wert grave in Brabant,
Ende handelde, als een vigant,aant.
Soe sijn dingen alle gader,
Na dat doot was sijn vader.378
In vromicheden met wijsheden
380.
Berechte hi in groten vreden
[p. 18]origineel
't Lant van Brabant al te male,
Ende regeerde also wale,
Datten allen die ghene minden,
Dien saghen, ende dien kinden.384
In allen landen, sonder vieren,
Voer hi festeren ende tornieren,
So dat hy sciere wert bekint
Metten keyser ende gemint,388
Ende metten ghenoten al.
390.
Hi gaf gichten groot ende smal
Den heren, die bi den keiser waren;
Ende wert so liefgetal te waren
Metten keyser, in goeder trouwen,393
Dat hi hem gaf een scone vrouwe,
Daer hi hoechelike aen huude395
Ende sijn ere sere beruude;aant.
Het was een dochter des hertogen
In Beyerlant, ongelogen,
Ende was geheten Lutgaerde;
400.
Sy was een vrouwe van grooter waerde,400
Van Salsenbach, dat verstaet.
Dese vrouwe van grooter daet402
Was suster der keyserinnen.
[p. 19]origineel
Dees keyser ginc hem doen versinnen,
Die heer Henric geheten was,
Hy beriet hem, sijt seker das,
Metten genoten, die by hem waren,
Ende gaf Godevaerde, sonder sparen,
Lothrike weder, dat mit allen
410.
Sinen vorders was ontvallen
Voirmaels, over langhen tijt,411
Ende maecten, des seker sijt,
Gheweldich hertoghe ende here;
Dies dancte hi den keizer seere414
Ende seide hem groote genade;
Dus wies sijn eere vroech ende spade
Alomme in 't lant, onder de lieden.417
Doen hi, also ic u bediede,aant.
Hertoghe in Lothrike worden was
420.
Screef men tien tyden, also ic las,
Elf hondert ende XXX mede.
Nu hoirt voirt dan die waerhede
Van den hertoghe, den edelen man,423
Daer ic die redene omme began.424
366Die achterste grave die was In Brabant, alsoo ick ter waerheyt las.
369Die Godevaert hiet metten Baerde, en liege u niet.
372Dicht.
373Doen Lambrecht, die edele[n] man, Desen grave was ghestorven, Heeft sijn sone sijn rijcke verworven, Heer Godevaert, die ick nompde nu, Ende wort grave, dat seg ick u, Van den lande van Brabant; Ende handelde soe, sy u becant, Syne dingen alle gaedre.
378Vaedre, Met vromheden ende met wijshede, So dat hy te berechten met vreden.
384Daer hy quam, ende dienen wilden. Hy voer josteren ende tournoieren In alle landen, sonder vieren.
388Ende bemint, Ende oock.
393So dat hy hem Een vrouwe gaff, ick seker ben.
395Hooghelijck aene huwede Ende sijn [h]eere seere aen vernieuwede; want sy was dochter eens hertogen.
400Ende vrouwe.
402Oeck was, alsoo draegt mi wijs raet, Sustere mijnder vrouwen der keyserinnen. Doe ginck die keysere, doen ick u kinnen, Die heer Hendrick was gheheeten, By den ghenooten, doen ick u weten, Die daegelijx by hem waeren daer, ende gaff heer Godevaert voorwaer 't Lant van Lotrijcke weder met allen Dat synen.
411Over menighen tijt, Ende maecte dan.
414Over Lotrijck met grooter eere; Dies hy hem seyde.
417Onder die liede, Doen dit gheviel, als ick bediede, Dat hi hertoghe worden was, Schreeff men dien tyden, als ick las, Elff hondert ende dertich jaer. Nu hoort voort al in 't openbaer.
423Van desen.
424Dese redene.
