[vs. 4154-4209]aant.
Doen aldus sinen standaert
Mijn heer Arnout hadde bewaert
Van Grimbergen ende bestiert
't Volc, ende gevisiert
[p. 187]origineel
Sine scare aldaer hi helt
Buten Grimbergen op dat velt,
4160.
Ende elc onder sine baniere,
Bleef hi stille houden sciere,
Ende beide sire vianden dair,
Die toe quamen openbair
Sere vastelike getrect,
Wel ghewapent ende verdect,
Op grote orsse overtoghen.
Doen quam sterc ende wel vermoghen4167
Haer waertsman, die hadde onderweghenaant.
Die van Grimbergen overslegen,
4170.
Hoe si hilden daer gescaert,
Met vier scaren wel bewaert,
Met ontploken baniere wale.4172
Doen sprac die here van Wesemale:
‘So horic wel dair af den scijn,
Dat si vluchtich niet en sijn;
Maer my dunct si willen dueren
Ende genieten der aventueren.
Nu laet ons sonder langer beiden
Ons scare vaste gereiden,
[p. 188]origineel
4180.
Want het 's vele meer dan tijt
Dat wy beginnen nu den strijt;
Elc sie dat hi bereet sy
Nadien dat sy ons sijn so by.’
Doen ginc die here, sijt seker das,4184
Van Wesemale, die maerscalc was
Van den lande van Brabant,
Ende maecte vier scaren ter hant.
In elcke scare vijf duysent man4188
Gewapent ende halsberch an;
4190.
D'orsse groot ende vermogen,
Wel met wapen overtogen.
Die here van Diest geleide doe
D'eerste scare; d'ander daer toe
Geleide die here van Bierbeke;
Die derde geleide sekerleke
Mijn heer Henric van Rotselaer.4196
Die vierde scare daer naer4197
Geleide die here van Craynhem,
Ende die maerscalc selve met hem,
4200.
De here van Wesemale, die ter side
Wesen woude tien tide;
[p. 189]origineel
Daer was menich spere ende sweert,
Menich ors, menich peert,
Ende menich man, vrome ende coene.4204
Men beval ten desen doene
Den standaert op sijn ere
Te voeren den stouten here
Van Wemmele, hem ende sinen magen,
Die daer dienden met groote slagen.
4167Doen quam heer Waertsman onghelogen, Die de heere van Grimberghen hadde ghesien, Ende vertelden hem daer met dien, Hoe die van Grimberghen hielden gheschaert.
4172Met omlokender bannieren. Doen sprack die heere van Wesemaele schiere: ‘So hoirick wel dat sy niet En willen vlien, wats gheschiet; Maer willen genieten der aventuren. Ick wille wy ons te deser heure, Vaste bereyden ende schaeren; Want het meer dan tijts waere, Dat elck man nu bereyt sy, Nae die sy.
4184Heere van Wesemale, Die maerschal was, wet wale.
4188Aen elck wasser wel vijf dusent: Die eerste die gaf hy in hant Dien heere van Diest ende syne maegen; D'ander gaf hy, hoorde ick ghewaegen, Van Bierbeke, die heere stout, Met menighen man coene ende bout, Die wel daden op dien dach. Die derde gaf hy sonder verdrach.
4196Hendrick.
4197Die met menighen man quam daere Helpen den jonghen hertoghe. Die vierde schaere, als ick betooghe, Gaf hy den heere van Craynhem; Selve was hy oock met hem Aen die selve schaere gheschaert Met menighen man onvervaert, Die goet was in alle stryde. Oock brachten sy in allen zyden
Menich spere, menich sweert.
Menich spere, menich sweert.
4204Ende menighen vromen coenen man. Daer nae weert bevolen dan Dien heere van Wemmele ende syne maeghen Dat sy den standaert wilden draeghen, Dat sy herde geerne deden. Doen al dat volck op de stede Gheschaert was ende wel bereyt.
