[p. 259]
14
Of ic der vrouwen minnentlijch
Hertze ende zin gegheven aen,
Sone willich voort up erderijch
Met onsteide niet vorder gaen,
5
Maer ghetrauwelijc vulstaen5
In al mijn doghen groos ende clein.
[p. 260]
Dor di allein
Ende anders ghein
So hanich tlast in mi ontfaen.
10
Soe hout mijn hertze in vruechden rijch,
Haer anscijn es so wel ghedaen.
Ich wil haer dienen zekerlijch
Met trouwen sonder avelaen.
Minlijc houtsi mi ghevaen.
15
Of ic der vrouwen etc.
Hertze ende zin etc.
Wi soudso mi dan doen bezwijch?17
Mijn hertze en can di nicht ontgaen,
Up erde bestu mijn hemelrijch.
20
Ic dinke om haer, wes ich vermaen.20
Al mijn leit mach si verslaen
Met harer zoetzer worden ein.
O vrouwe rein,
Sijt mer ghemein,24
25
Ich blive di eewich onderdaen!
Of ich der vrouwen etc.
5vulstaen, ‘volharden’.
