[‘Het was een maghet wtuercoren’]  Het was een maghet wtuercoren  Daer Iesus aff sijn wilde gheboren  Des ben ick vro.        O, o, o, o, benedicamus domino.     Al totter stadt van Nazareth  Daer is een maghet ombesmet  Des ben ick vro.       O, o, o, o, bene.     Groetse mij metten naeme mijn  Segt haer dat ick haer kint wil zijn  Des ben ick vro.       O, o, o, o, bene.     Die Enghel was een bode goet  Hij voer derwaerts metter spoet  Des ben ick vro.       O, o, o, o, bene.     Hij seyde Godt gruet v suyuer maecht  Ghij zijt die Gode wel behaecht  Des ben ick vro.       O, o, o, o, bene.     Hij wil van v gheboren zijn  Iesus die lieue meester mijn [p. xiiij]    Des ben ick vro.       O, o, o, o, bene.     Maria sprac hoe mocht ic hem ghewinnen  Want ic noyt man en begeerden om minnen  Des ben ick vro.       O, o, o, o, bene.     Die heylighe gheest sal in v comen  Soo den dau valt op die blommen  Des ben ick vro.       O, o, o, o, bene.     Maria weest onuersaecht  Tis den Godts sone die ghij draecht  Des ben ick vro.       O. o, o, o, bene.     Hij heeft v daer toe wtuercoren  Hij wil verlossen dat was verloren  Des ben ick vro.       O, o, o, o, bene.     Uan allen sorghen ben ick ontsleghen  Die deerne Godts wil ick wesen  Des ben ick vro.       O, o, o, o, bene.     Maria viel neder op haer knien  Den wille Godts moet gheschien  Des ben ick vro.       O, o, o, o, bene.