[‘Doen Maria gehouwet was’]  Doen Maria gehouwet was,  Ende men die schrifture las,  Wat seyde haer man. [p. xli]    Ick salt v openbaren  Soo ick t best can.     Ioseph op onser vrouwen sach,  Ende was seer veruaert  Ende hij en seijde niet  Hy peysde: lieue Heere  Wat is mij geschiet.     Ioseph dachte in sijnen moet  Dede hij haer schande ten waer niet goet  Hij peysde dat  Dat hij haer ontgaen woude  In een ander stadt     Daer Ioseph lach en sliep  Die heylige geest hem aenriep  Dat was alsoo  Staet op Dauids sone  Ende weest vro.     Ioseph en weest niet versaecht  Dat kint dat Maria draecht  Dat is Godts kint  Die heylige geest is in haer comen  En twijfelt niet een twint.     En waer dat kint noyt geboren  Onse siele waer verloren  Dat waer alsoo  Staet op fijn Dauids sone  Ende weest vro.