[‘Godt groete v roose van Hierico Maria’]  Godt groete v roose van Hierico Maria  Ontpluyct soo moeten wij wel wesen  Aue Maria tu es plena gratia.    [p. xlij]    Die metter sonnen is ghecleyt  En die mane onder haer voeten spreyt  Aue Maria tu es plena gratia.     Die sonne is den heylighen Gheest  Daer ghij op rust alder meest.        Aue Maria.     Die mane is dat kersten ghelooue  Daer op suldi rusten hooghe.       Aue Maria.     Ghij hebt gestilt des vaders thoren  Dat Eua hadde verloren.       Aue Maria.     Want ghij hebt bracht dat Godts lam  Dat onse sonden al aff nam.       Aue Maria.     God groete v puerlijck der princen Heere  Daer en is niemant in dan Godt alleene.       Aue.     Ghij sijt een arcke Gods groot  Daer op rust dat hemels broot        Aue Maria.     Ick bidde v Coninghinne vrouwe  Ick bidde v Maria by rechte trouwe.       Aue M.     Dat ghij onsen lieuen Heere  Bidden wilt dat hij ons van sonden keere        Aue.     Het sij vrouwe oft man  Die dese woorden gheseggen can        Aue Maria.     Dat hem Godt zijn hemelrijck wil geuen  Met dat kindekijn dat eewich leuen        Aue Maria.