[‘Maria schoon bloemken reijne’] Een gheestelyck liedeken, op die wyse, Met eenen droeuen sanghe ist dat ick claghen moet.    Maria schoon bloemken reijne  Ghij sijt mijn toeuerlaet,  Aen Iesum v kindeken cleyne  Voor uwen dienaer gaet,  En bidt hem door sijn bitter doot  En door sijn dierbaer bloet  Dat hij ons int ghemeyne  Al neme in sijn behoet.     Maria Aarons gaerde  Dit Godlijck bloemken droech  Ghij waert alleen op aerde  Daer God sijn ooghen op sloech  Ghij waert voor Godt groot  Dus wilt ons door v waerde  Beschermen inder noot.    [p. lxix]    Ghij zijt de gulden arcke  Int oude testament  Daer ick v door bemercke  In deuchden excellent  Ombeulect een spiegel claer  Dies stelle ick my te wercke  Tot uwen dienst int openbaer.     Aent geerdeken sijdij besloten  Mer dat vol bloemkens wies  Met daw wert ghij beghoten  Dats Gedeons edel vlies  Dus reyct my nv v hant  So en wort mijn ziele niet gesteken  Al inder hellen brant.     Ghij sijt die Godtlijcke stede  Daer Iesus in heeft gherust  Door v quam peys ende vrede  Den twist wert doen ghesust  Tusschen ons ende die Godtheit claer  Dus wilt ons door v beden  Beschermen voor misdaet.