Een nieu Liedeken.  Hoort al na mij, verstaghet wel mijn reden  Weest vrolijck ende blij, schout nyt tot allen steden  Want die wil staen in nijt  Die wort veel vreuchden quyt, tot alder tijt  Dus tegen v sinnekens strijdt, stelt v herte  In vreden, in vreden, in vreden.     Nv sietmen veracht al op den dach van heden  Die wijsheyt verpacht  Die wort nv af ghesneden  Sij hebben hier dat regiment  Die in sonden sijn verblent  Tis wel bekent  Maer weest ghij diligent: En stelt v hert. &c.     Al siet ghij nv die sommighe rustich treden  Soo denckt ende peyst bij v [p. clxix]    Het is hier haest geleden  Sij triumpheren hier  Sij maken blyde chier In wijn in bier  Schout altijt quaet bestier  Ende stelt v herte in vreden. &c.     Tis al confuys, van bouen tot beneden,  Een yghelyck weet sijn cruys  Godt laet hem wel met vreden  Die nv wat hier lijdt  Hier naemaels hem verblijdt  Des seker zyt  En stelt v herte in vreden. &c.     Prince watmen seydt  Van desen nieuwen seden  En wert toch niet verleyt  Al wort ghij seer ghebeden  Ondersoect die gheesten wel  Oft sij Godt syn rebel  In haer voortstel,  Ende schaut alle leeringhe fel  Ende stelt v herte in vreden  In vreden in vreden.