[p. 17]
- XLVI -
Retrograde.aant.
Hout vast thouwelyc //, malcanderen bemint,
Verblydt volcomelyc //, verwinnet quaet, doet goet;
betrout Godt getrouwelyc //, Christum alleen bevint,
Strydt hier vromelyc //, thellemet vierich aendoet.
Ao 1568 den eersten July.
Minnelyc voer Godt, ja, een behagelyck Iolydt,
Eest als man & wyff altyt leven Openbaer,
Eerlyc nae Godts gebodt, sonder twist oft Nydt,
Soo Tobyas met vlydt & Sara leefden Claer.
Tot dien fijn, stelde Godt dien staet in Voerwaer:
Een vlees, eens mans & wyffs eenpaer, duer hen diet Regeert,
Rustich int hantwerck, godtvruchtich voer Godts Outaer,
Behoort de man te syne, daer hy toe is Verordineert.
Als een wyngaert vruchtbaer // de vrou hier oock Iubileert;
Recht, als Davidt nareert //, in Godts vreese Obedieert,
Namelyc soot de Heere, duer uwer liefden Hanteert:
[p. 18]
Aen dyn tafel gestoffeert //, en syn oock geensins Absent
Eel olyfplantkens, u kinderen tot duecht niet Negligeert;
Reyn danckt dan pertenent // Godt & anders Niemant,
Diet u al verleent, van sweirels vernuft u hert Afwent.
Christus, u hooft excellent //, vlocht hier naer Vaelyant,
Op dat ghy goey vruchten muecht voortbrengen Abondant.
Leeft inden geest playsant //, herboren in Noveteyt;
Acht sweirels gewin verlies; lydy smaet, blyft Constant;
Elck erme reyckt u hant //, met loff scheeren naem Verbreyt.
Reden gebruyckt in al & wyckt van dwase Ydelheyt;
Tlams maeltyt is bereyt //, siert u met witte Cleeren,
Salich syn sy die hen tot Godts genade Keeren.
Ter liefden van u & u vader Colaert mede,
Prins der Jenetten reyn//, daer vruecht duer vermeert//is,
heeft uwen Mol dit nu gedicht duer jonst & vrede,
die oock een cleyn Jenetteken ongeleert // is.
Incarnatie.
Een componist //, voerwaer //, noode tyt verquist:
Godt geve waert sy!
Al is in bedwanck // dlyff teer & cranck,
een geest is vry.
Ao 1568, den 1 July. Per A.V. Molle.
