|
|
|
| |
Noch van weghen tot jherusalem te gaen ende
anders.
Nv hebbe jc v gheseit ende cont ghemaect die weghe, door die welke
men gaet eerst werf ten verresten als te babylonien ende ten berghe van synay
ende ten andren steden waert, die jc v voorghenoemt hebbe . . . . . . . om te
jherusalem te comen van daer. Want somighe liede gaen ter stat van jherusalem,
die niet micken vorder te gaen, | | | | om dat si niet en hebben
ghelts ghenoech ofte om dat si gheen gheselscap en hebben ende sulke, om dat si
der pinen niet en vermoghen, sulke om dat si hebben vaer om die wildernisse te
lidene ende sulke om dat si hem haesten weder te kerene om haerre wiue ende
kindere wille ofte om ander enighe redelike saken. Daer om jc v in corten
woorden segghen sal, al waer men te jherusalem waert gaen mach sonder langhe
tijt daer ouer te doen ende sonder langhe vte te bliuene. Men gaet vten lande
van westen waert, alsic v voorgheseit hebbe door vranckerike, door borgongyen,
door lomberdyen ende dan ten hauene van venegien ofte van geneuen | | | | ofte enich ander hauene daer omtrent ende men gaet totten eylande van
grief, dat den geneuoysen toe behoort ende daer na lantmen in grieken ter
hauenen, diemen heet miot ofte van valene ofte van duras ofte in enighe ander
hauene daer omtrent. Ende dan gaetmen te lande om rechter te gaen ende dan
comtmen zaen weder in die zee. Dan sceeptmen rechte in cypre sonder int eylant
van rodes te comene, mer men laettet ter ziden, die wil ende men lant ter
hauene van famegosse, dat die meeste hauene is van cypre ofte ter hauene van
luneches ende dan so gaetmen weder in die zee. Ende soe sceeptmen lidende die
hauene van thir ende sonder | | | | te lande te comene sceeptmen
ter zee ter ziden latende alle die hauenen daer omtrent toter stat van jaffen,
dats die naeste hauene van jherusalem, want van deser hauene tote jherusalem en
is mer anderhalf dachuaert, dat is omtrent xv milen. Te jaffe so lantmen ende
men gaet te lande toter stat van rames, dat bi jaffe js ende hets een herde
scoon ende bequamelike stat. Ende buten rames zuden waert staet een kerke van
onser vrouwen, daer hem onse here hare vertoonde in iij scaduwen, die
betekenden die drievoldicheit. Ende daer bi is noch een ander stat, die heet
diostolle ende plach te heten libda ende is wel bewoont ende daer staet een
kerke | | | | van sinte jorise, daer hi onthooft wort. Van dair
gaetmen totten casteel van emaus ende dan tot monteioye, daer sinte samuel die
profete leit, van dair sien die pelegrine eerst werf jherusalem, want het isser
in ij milen na ende dan gaetmen te jherusalem. Neuen desen wech es ramatha ende
die berch van modin, danen dat mathathias was, die vader van machabeus kindere
was ende daer sijn noch haer tomben. Jtem op gheen zide van ramatha es die stat
van tenke, van daer was amos die prophete ende daer es zijn graf. Ende vanden
heylighen steden ende pelegrimagen, die te jherusalem sijn, heb ic ghenoech
hier voren gheseit; daer omme laet | | | | jc nv ander werue
redene daer of te houdene.
|
|
|
vorige
