[p. 1]
[Historie van den verloren sone]
[p. 3]
ONs wort beschreven int H. Evangelie dat op een tijt was een Vader des huysgesins, een machtich man van goede. Welcken machtigen man oft Vader des huysgesins twee sonen hadde, vanden welcken die ionckxste geheeten wort den verloren Sone ende dat met redenen gelijck ghy dat in dese navolghende Historie int langhe hooren sult. Desen Vader des huysgesins was een machtich man. Aenghesien dat hy van oudtheden seer onmachtich was dat hy voortaen de sorghe ende den last zijnder goeden en die sorghe des regiments1) van dien niet wel ghedoen en conde, dacht in hem selven dat hy den gheheelen last ende dat gheheele regiment van alle zijn tijdelijcke goeden sijnen outsten Sone in handen stellen wilde, ende hem daer af den gheheelen last gheven wilde. Om welcke te volbrenghen hy zijn twee Sonen tot hem gheroepen heeft ende sprack totten oudtsten segghende aldus:
De outheyt doet my seer vertraghen
Mijn weerde Sone vercoren
Als dat ick niet meer en can ghedraghen
t'Regiment des huys noch daer na gevragen
Daerom wilter wijsheyt in sporen2)
Om wel te regeren ons goet
Ghy die zijt mijn outste sone soet
Want ick u bevele den last
Ende stelt3) altemael in u hant
Daerom wijslijck dat te regeeren past4)
Dat bidde ick u mijn Sone eerbaer.
D'oudtste Sone.
Nae mijn verstant Vaer
[p. 4]
Regeere ick ons goet inder waerheyt
Met grooter pijnen1).
Den Vader.
Gheen goet sonder arbeyt.
D'oudtste Sone.
Sonder arbeyt gheen goedt voorwaer
Maer t'verdriet my in't herte adere2)
Dat mijn Broeder daer
Al verdoet, verstadijt Vadere.
Den verloren Sone.
Seght my valsch verradere
Waer dede ick oyt overdaet
Den Vader.
Mijn kinderen drijft gheen onghenuchte
Ghy hebt goets ghenoech ist dat ghyt oorboort5)
Wijselijck5) by te leven na genuchte
Daerom maeckt gheen discoort6).
Den verloren Sone.
Ick en verdraech7) hem niet een woort
Ick ben veel te wulpschen spruyte
Ende die ionckheyt moeter uyte.
D'oudtste Sone.
Ja maer als de jonckheyt is overbracht8)
[p. 5]
Ende ghy inder outheyt begint te sneven
Ende dat ghy en hebt macht noch cracht
Waer meynt ghy dan by te leven.
Den Vader.
U broeder pijnt1) u te gheven
De waerheyt voor ooghen.
Den verloren Sone.
Ick verstaen wel de waerheyt bloot
Den eenen broeder wilde des anders doot.
Den Vader.
Die anders doot Jesus Maria.
Den verloren Sone.
Die anders doodt, iae.
Den Vader.
Ick versta wel zijnder talen bediet
T'is u broeder na den bloede siet,
Ende niet u broeder na de maniere sijn
Den oudtsten Sone.
Verkeeren? hy is veel te obstinaet
Nimmermeer en sal hy ter deucht spoen
Want noyt en dede hy anders dan quaet
Noch nimmermeer en sal hy goet doen.
[p. 6]
Den Vader.
Ick hope hem Godt in eenich saysoen
Tot deucht sal doen hercken1)
Want wonderlijck zijn Godts wercken.
Den verloren Sone.
Elders doen uwe precagien4)
Verdoe ick iets dats van mijns selfs paert5)
Ende niet van uwer partagien.
Den Vader.
Mijn kinderen sonder kijven outragien,
Ghy sout u met recht het kijven schamen
Maeckt peys maect peys in Gods namen.
Den verloren Sone.
Wy, wy, dienen qualijck by een
Vuyl cokijn waer om sijt ghy beschort
Dat ick mijns Vaders goet alleen
Ghestolen hebbe een ic weet meer6) dan ghy
Al verdoe ick somtijts yet, seght my
Wien doe ick onrecht oft te cort.
Den Vader.
Om Godts wille kinderen maeckt accort
Ghy zijt ionck dat weet ghy wel
En men moet die ionckheyt supporteren
[p. 7]
Nochtans en moocht ghy met moede fel
In sulcken maniere u goet niet verteren.
Den verloren Sone.
Vader ghy laet u wel tromperen
[Dese boeve brenght voort veel abuysen1)]
Ende om met u inder outheyt te flatteren
Soeckt hy op [my1)] zijn excuysen
Maer ick en achts niet twee gruysen2)
Alle sijnen nijdighen spijt
Noch zijn smeeckende3) muysen3)
Ick sal mijnen sin doen altijt
Wat vraghe ick na mijn verwijt.
Ende oft ick vrolijck leve mijn ionghe dagen
Soude dat desen hypocrijt
Mijn Broeder moeten beknaghen
Byden dermen4) ic en salder niet na vragen
Maer doen mijns herten geere5)
Soo verre als ict op de borcht6) mach wech dragen
Ick en acht niet een verrotte peere
Het dunckt my van s'Duyvels jonghen
Ick soutle veel te nauwe zijn bedwonghen
Wildick zijnen wille doen teere9)
Ende sijn subieckt10) ten huyse ordinaire
Ghelijck een simpel pagie
En al bevende ghelijck een vere
Segghen: gheeft my potagie
Soo waer ick wel een sotte personagie
[p. 8]
1)Moeite, ibspanning
2)In het diepst van mijn gemoed. A heeft: in 't hertsen adere
3)Boos
4)A heeft: Slangen-tonge, C: Slang en Tonge
5)Met verstand gebruikt
6)Ruzie
7)Vergun
8)Doorgebracht
1)Verlangen
2)Schooier
3)Abelnert, bij Kiliaen: Homo bellus, concinnus; hier als scheldwoord
4)Preeken
5)Deel
6)Lees met A en C: Neen ick niet meer enz. In den vorigen regel heeft ick den klemtoon ick alleen
