|
|
|
| |
Seker voortreffelick man, tegens Joffr.
Anna Roemers in een weegh-schale
ghewoghen ende overwogen zijnde, maeckt op dat gheval 'tna-volghende
ghedicht.
IOnck-vrou, ghy hebt (tis waer) wat meer als ick gewogen,
Maer ist reyn spel gheweest, off hebdy my bedrogen?
Want hoe! sal dan een maecht, die corter is dan ick,
Die smal van middel is, van leden niet te dick,
5
Van handen wonder teer, van aensicht heel besneden,
Die nau het gras en croockt daer op sy comt ghetreden,
| | | |
Die met haer net gewaet verciert is, niet belaen,
De schael, daer in een man gheset is, op doen gaen?
Off sout de maechdom zijn, die u soo swaer doet weghen?
10
Men segt ghemeenlick soo: maer neen, ick segger teghen.
De maechdom is een ding dat niemant hoort of siet,
Een waen, een wensch, een wint, een dierbaer wat of niet.
De maechdom die is licht; en maechden, die gevrijt zijn,
Die worden veel-tijts swaer, als sy de maechdom quijt zijn.
|
|
|
vorige
