|
|
|
| |
Maechden-Lesse.
Op de sang-voyse vanden Psalm 42.
KEyser Commodus van Roomen,
Heeft Philips een Edel-man,
Gouverneur ghemaeckt daer van;
5
Eugenia sijn dochter weert,
Hadde 't recht gheloof aen-veert,
Dees een trouw' na sijn behaghen,
Heeft hy haer eens voor-ghedragen;
Dat hy haer Wel Wilde gheven,
10
Aen des Stede-houders Soon
Van Aquilen, die van leven
't Heydensch Wesen Was ghewoon,
Maer hy was van hooghen stam,
Daerom Wild' hy dats' hem nam,
15
Want sijn Ouders treff'lijck waeren
Soo Wild' hyse met hem paren:
Maer sy niet verblindt door minne,
Haer gantsch niet beweghen liet,
Maer sy seyd, met kloecken sinne,
20
Datmen in het houw'lich niet
En moet mercken op 't gheslacht
Van die ons Wert voor-ghebracht,
Maer Wel nauwe op sijn seden,
Want sy seyde voor een reden;
25
Datmen niet moet met sijn Vader,
Of sijn Moeder, houden huys,
Maer men moet met hem te gader
Hebben vreuchde, hebben kruys.
Allen Maechden tot een leer,
30
Dat sy om 't gheslachtes eer,
Haer aen niemant en verbinden,
Die sy quaet van leven vinden.
Vader Moeder sluytmen buyten,
Maer de Man die komt in 't bedt,
35
Niet dan droefheydt komt van guyten,
Daerom Wilt ghy in u jeucht,
Erven eene Ware vreuchdt,
Wilt met sulcken eenen trouwen
40
Diemen recht voor vroom mach houwen.
|
|
|
vorige
