[p. 47]
De Refreinen
[p. 49]
I Hantwaerpen int vroede
Als God hadde gheschepen hemel en aerde,
Zo heift hy ghegheven heerschapye
Den mensche, dieze met verstande anvęrde,
Over alle ghedierte, zoot God beghaerde,
5
Om te domyneren als de vrye.
Dus es hy tstaerxste dier tot elcken tye
Om dat alle ghedierte es ghebroght
Onder zijn maght, dies de mensche zeer blye
Heift metten ghedierten zynen wille ghewroght,
10
Ghetemt, voor hem ghedoodt, en noch voorts ghezocht,
Op der aerden om te zegghen waerachtigh
Onsprekelicke staerckten, in tmaken bedocht,
12
En werden verwonnen, duer tverstandt zeer machtigh.
Noch en es hy over tmeeste niet claghtigh:
14
15
Dat zijn de vier elementen diet wel bekint.
Hieromme met cleynder pynen heel zachtigh
Tmenschelic dier ter węrelt, meest fortsen verwint.
Hoe staerck dat het menschelic dier es vernaemt
Van maghte, die zo hooghe es verheven,
20
Nochtans werdet vander ydelheyt beschaemt,
Zijnde haer onderworpen, twelck niet en betaemt
En es duer haer tcranckste dier, datter magh leven
Over hem zelven, zo datt nu es ghebleven
23
Een knecht der zonden, dien niet en can bedęrven
25
Doodt noch helle, maer zy doen tdier beven
Als dattet dalendighste dier moet stęrven,
Dus om dat tmenschelick dier zoude verwęrven
27
Staercheyt, twelc den Psalm tweentzeventigh verhaelt,
28
Zo es Christus god, den mensche worden tot consęrven
29
30
Een dier, een mensche in de waerelt ghedaelt,
Ende om dat tmenschelic dier heift ghefaelt,
[p. 50]
Zo heift dat goddelic dier, tmenschelic bemint
En hem de staercheyt ghebroght, en hevet duer straelt.
Tmenschelic dier, ter waerelt meest fortsen verwint.
35
Om dat de vyandt tmenschelick dier excellent
Veil te crachtigh was, zo heift hem willen zetten
Voor het menschelic dier, tgoddelic zelve prezent,
Twelc de vyandt niet en hadde gheschent
Noch en conste hem met gheen crancheyt besmetten.
40
Dus heift tgoddelic dier willen beletten
Tsvyandts fortse met de crachten der hellen
En es een heere worden duer tverpletten
42
Over doodt en zonde die wouden qwellen
Tmenschelic dier, twelc die niet en const ghevellen
45
Maer was inde stęrckte des vyandts bevangh.
Dus heift tgoddelic dier ieghens tverfellen
46
Des vyants hem ghegheven den diere zeer cranck,
Zo dat tmenschelick dier heift den grooten ontfangh,
48
In staerckte, zo dattet dood en helle verslindt
50
Met al de crancheyt, dus ieghen tsvyandts danck
Tmenschelick dier ter węrelt meest fortsen verwint.
Tverwinnen moet duer tgheloove gheschieden
En tmenschelic dier moet godts beloften betrauwen,
Die hem deis cracht uut ionsten heift willen bieden,
55
Zo dat voor hem alle dijngh nu moet vlieden
En zelve voor vyandt noch helle vergrauwen;
Tes hem al tondere, dus en darft niet flauwen
57
Want tregiert over al datmen can gronderen
Ter węrelt, zo datter niet en can ghehauwen
59
60
Ieghens hem, const ict al ghesommeren,
Om dat de gheloovyghe moet tryumpheren
Over al dat god toebehoort in shemels wezen.
Al eyst noch bedect, en wilt niet murmureren,
Het zal hier namaels wel werden gheprezen.
65
Hoe maghmen van meerder fortsen ghelezen
Die ter węrelt verwonnen werdt haudet gheprint
In u herte, en weist ghestęrckt midts dezen:
Tmenschelic dier ter węrelt meest fortsen verwint.
12in tmaken bedocht, met
overleg gemaakt.
14es ... claghtigh, heeft zich
te beklagen.
23Over hem selven, voor zover
het de beheersing van zichzelf betreft.
27om dat, opdat
het.
28den Psalm tweentzeventigh
(volgens de oude telling, psalm 71 volgens de nieuwe, Protestantse), blijkb.
toespeling op vs. 3: quoniam firmamentum et refugium meum este.
29den mensche ... tot conserven,
als behoudsmiddel voor den mens.
42duer tverpletten, wsch. met
zinspeling op
Genesis 2, 15, waarin gesproken wordt van
de vertreding van de slang.
46tverfcllen, eig. het feller
worden, vand. voor: de felle aanvallen.
48heift den grooten ontfangh In
staerkte, in kracht zo zeer is toegenomen.
57tondere, onderworpen. -
darft, behoeft het, nl.‘tmenschelic’ dier.
59ghehauwen, stand
houden.
