Een ander.
DE helsce saeyere / sijn discoert saet / saeyt
Waer duer hi dagelicx veel vruchten quaet maeyt+
Sal dese turbatie / noch lange dueren
Dit doet mi trueren
Dondersaet opten prelaet / duer valscen
raet craeyt
Ongehoorsaem / hertneckich / elc sinen
naet / naeyt
Tvolc verleyt malcanderen / vrienden en gebueren+
Met loosen cueren
De leecke lien moeyen hen metter scriftueren
Si spellen figueren / na haer verstant
Waer duer si deendrachticheit / der
kercken berueren
Sulc salt noch besueren / elc wacht hem
voor den brant
[p. 55]origineel
Scoenlappers willen preken / op
haer selfs hant
In menich lant / wat werdet noch int leste
Wee den ghenen die oyt / dit opset eerst vant
Moeyde hem elc in tsine dat waer hem dbeste
Eest wonder datmen / veel menschen dolen / siet
Men acht nu / de universche scholen / niet
Maer men hout scole / in bosscen in hagen
Men hooret ghewaghen
Al spelen si theimelic / ten blijft verholen / niet
Daer vier es / men altijt roockende colen / siet
Al comen sulcken / scolieren in plaghen
Wie salse beclaghen
De waerheyt soudense / geerne verjagen
Van dagen te daghen / slaense op de lute
Na ander doctoren si niet en vraghen
[p. 56]origineel
Devangelie draghen / si inde kute
Daer leggen sijt na / haer sinnekens uute
Oft yewers inde mute / buten der veste
Voorwaer ic segge noch te minen beslute
Moeyde hem elc int sine dat waer hem dbeste
O ghi dwase menschen / wat hebdi voren / nu
Ic vreese dat antecrist / is gheboren / nu+
Ghi doet meer schaden / dan hondert neckers
Ghi discoort verweckers
Duer u erruer / werden veel sielen verloren / nu
Timmerlien metsers sijn ons doctoren / nu
Tengieters. Pijpers / pinceel leckers
En schalideckers
Vettewariers / blauverwers / en laken reckers
Barbiers en tantdtreckers / dese willen hem moeyen
[p. 57]origineel
Metter scriftueren / ja spotters en geckers
Faembevleckers / die in achterclap groeyen
Dit sijn de doctoren / die vol consten vloeyen
Teldicse metten goeyen / voorwaer ic meste
Ic laetse datse sijn / maer na mijn bevroeyen
Moede hem elc int sine dat waer hem dbeste
Merct wel mijn dicht / en willet uut minnen / vaten
Certeyn dit erruer / alle mijn sinnen / haten
Ghi leecke wilt u ghesin / wel regeren+
Laet clercken studeren
Waer sullen wi nu / de doctorinnen laten
Studeerdense min / tsou hem aen tspinnen baten
Maer si willen oock al disputeren
En argueren
Devangelie uut legghen / en exponeren
[p. 58]origineel
Bi haer commeren / noyt meerder abuys
Tes wonder wat si / al practizeren
Si tribuleren / den goeden sijn si een cruys
Si houden ooc scole / binnen haer huys
Noyt arger gespuys / en quam uut neste
Ic segge al waert te Brugge / of ter Sluys
Moeyde hem elc in tsine dat waer hem dbeste+
Prinche
Dits voor alle Duytsce / doctoren en ic meene
Ooc de doctorinnen / groote / ende cleene
Maer ic en wil niemant / besondert befamen
Ick wilse wat lamen
Maer wie dat scult heeft / die trecket te beene
Hebdi gedoolt / pijnter u af te scheene
En doet u ambacht / tsal u meer vramen
[p. 59]origineel
Oock beter betamen
Daer salder noch vele / hem selven pramen
En ooc bescamen / duer haer valsch vermeten
Dit werp ic int hoopken / deylet te samen
Uwer alder namen / waren quaet om weten
Vergevet mi / heb icker yet vergeten
Ic heb my gequeten / maer blijfter noch een reste
Die sal ic betalen / al en soude ic nyet eten
Moeyde hem elc in tsine dat waer hem dbeste
