[p. 130]origineel
[Wat geest eest die de Lutherianen regeert]
GEestelic / weerlic / heeren / ende knechten
Geleert / ongeleert / minste / metten meesten
Ic wil hier vragen / wie sal mi berechten
Waer de Lutherianen comen ter feesten
Si roepen al den geest / maer leven als beesten
Contrarie god / en der heyliger kercken
Wat geest regeertse / men vint tweederley
geesten+
Eerst gods geest / die duecht leert sinen clercken+
En de bose geest / die alle quaet wilt stercken+
Die doet de sine / in dwalingen rasen+
Gods geest / leert ootmoedicheit in alle sijn werken
De boose geest maect noeswijs en op gheblasen
Gods geest maect wise / de bose geest maect dwazen
Gods geest is vreedsaem / de bose geest murmureert
Segt mi al die oyt scriftueren lasen
Wat geest eest die de Lutherianen regeert
[p. 131]origineel
Gods geest / leert simpelheit / onderdanicheit+
Want Christus / was gehoorsaem totter doot+
De boose geest / leert alle wederspannicheyt+
Versmaet u prelaten / en kent gheen hoot
Gods geest / seit / begeert niemants goet / al hebdy noot
De bose geest / seit / alle dinc is gemeene+
Gods geest / seit / wildi leven / hout dat god geboot+
Neen tis ommogelijc / u macht is te cleene
Seit de boose geest / ghelooft alleene
Al valdi in sonden het is gods wille
Gods geest raet voor dbeste / te bliven reene+
De boose geest / seit neen / swiget daer af stille+
Papen en muncken / trout elc een dille
Vervult gods woort / wast / en multipliceert
Ghi ouders die scriftuere / leest metten brille
Wat geest eest die de Lutherianen regeert
[p. 132]origineel
Gods geest / seit / geeft god dat ghy hem
sculdich / sijt+
En den keyser / dat den keyser / toe behoort
Doet datse u heeten / in al verduldich / sijt+
Neen seit de boose geest / onthout dit woort
Ghi sijt al vry / dus u vryheyt / orboort
Acht geen menschen gheboden / dats minen raet
Gods gheest / raedt altijt / paeys en accoort+
De boose gheest / raedt oploop / en overdaet+
Gods geest / sayt goey tarwe / de bose geest quaet saet+
Gods geest / leert elcken zijn selfs
hoveken wien+
De boose geest / raet hier teghen / dmeeste quaet+
Hem selven vergeten / en op andere / sien
Gods geest / leert / alle achterclap vlien
De boose geest / leert datmen elcken diffameert
Ic en weet wat seggen / maer ic vraechs den lien
Wat gheest eest die de Lutherianen regeert
[p. 133]origineel
De doot en dleven / water ende vier+
Kiest wat ghi wilt / uwen raet is in u hant
Dit seit gods geest / wat seyt de boose ghier
Ghi en hebt geenen wille / dit is ander verstant+
Gods geest / seit abstineert / neen ruert uwen tant+
Seyt de boose geest / ghi en derft niet vasten
Devangeliste / bescrijvet / in sassen lant+
Door ingeven des geests / tes goet om tasten
Wat geest dat is / tsijn ongelijcke gasten+
Gods geest leert / doet penitentie jolijtelijc+
De boose geest / seit neen / wilt u niet verlasten
Die sijn vleesch castijt / doet ypocritelijc+
Gods geest / spreect minlijc / de bose geest spitelijc+
Gods geest / maect sterc / de bose geest tempteert+
Beminders der waerheit / aenmerct doch vlitelijc+
Wat gheest eest die de Lutherianen regeert
[p. 134]origineel
Gods geest / seit gaet inne / door de inghe poorte+
Den wech is smal / die totten leven / leyt
De boose geest seyt hoort hier mijn soorte
Wandelt den rumen wech / vol rooskens gespreit+
Soect gemac / en alle wellusticheyt
Ghi en condt gods geboden / niet gehouwen+
Ten is geen noot dat ghi biecht / of sonden bescreit+
Ghi en derft niet doen / dan alleene betrouwen
Gods geest seit / u sonden moeten u rouwen
Doet penitentie / oft ghi sult al vergaen
De boose gheest seit / hoort mannen en vrouwen
Ghi en derft u hant / aenden ploech niet slaen
Christus heeft voldaen / laet u wercken staen
Breect kercken en clusen / en beelden ghestoffeert
Ic vraghe noch / wie sal mi berechten saen
Wat geest eest die de Lutherianen regeert
[p. 135]origineel
Die sinen broeder sot heet is verdoempt+
Seyt gods geest / achterclappers bedwinct
u becken
Tserpent seyt / dwelc men den boosen geest noempt
Met paus met bisscoppen wilt spotten en gecken
En haer ghebreken / elcken ontdecken
Plact brieven aen kercken / laet boecken scriven
Tgemein volc wilter / tsegen verwecken
Laet papen en muncken / tsamen verdriven
Gods geest seit / wilt inden ouden wech bliven
Deenicheit der kercken / en wilt niet schueren+
De boose geest seit / sal u leere becliven+
Ghi moest de scriftuere / recken en lueren
Hier mede suldi / donnosele besueren
Roept evangelie / maer tfutselboec studeert
Segt mi die dabusen siet die nu gebueren
Wat geest eest die de Lutherianen regeert
[p. 136]origineel
Gods geest / doet den mensce / tot
duechden lustich zijn+
De bose geest / doet inden dyenst gods vertragen+
Gods geest / maket herte inwendich rustich / fijn
De boose gheest doet conscientie knaghen
Gods geest doet stoutelijc sonder versaghen+
In dopenbare belijden de waerheyt
De boose geest / doet preken achter de haghen+
Sijn valsce propheten / hatende claerheyt
Gods geest / sinen apostolen / openbaer seyt
Gaet willet dwoort gods inde menscen planten+
De bose geest / seit neen en spaert geenen arbeyt
Gaet verkeeren dwoort gods / mijn predicanten
Leert gods moeder versmaden / en alle santen
Scriftuere na uwen / wille exponeert
Doctoren / predicaren / en observanten+
Wat gheest eest die de Lutherianen regeert
[p. 137]origineel
Prince.
De gheesten sijn seer / menigherhande+
Den gheest der wijlen / besat / Achabs propheten
Regneert ooc als nu / men achtet geen scande+
Den geest daer Adam de vrucht / door heeft gebeten
Doet noch de menschen / verboden spijse eten+
Almodeus / den geest / vol oncuyscer voeren
Doet moniken en nonnen / haer gelooften
vergeten
Die si god en haren / oversten swoeren
En doetse loopen / als boeven en hoeren
Uut haren cloosters / achter de straten
Den gheest Lucifer / besit nu de boeren
Datse al gheerne op / Moyses setel saten+
Den nidegen geest / doet Malchum / Petrum haten+
Hier om de valscheit de waerheit persequeert
Och wie sal mi berechten / uut caritaten
[p. 138]origineel
Wat geest eest die de Lutherianen regeert
