Refereyn declarerende uut der heyliger scriftueren / dat de menscen hebben eenen vryen wille.
ONs heylicheyt is / den wille ons heeren+
Dat wy souden laten / duechden vermeeren
Wildi tot mi keeren / ic keere mi tot dy+
Dus roept god dicwils / so scriftueren leeren
Al hebdi u van veel boels laten onteeren
Wilt niet verweeren / maer keert weder tot mi+
Hierusalem / Hierusalem / hoe comet bi
Ic heb u seyt hi / dicwils willen versamen+
Gelijc een hinne / haer kiecxkens onder mi vry
Ghi en wilt niet tfij / ghi muecht u wel scamen
[p. 146]origineel
Mijn avontmael is bereet naer tbetamen+
Die wilden quamen / god en heeft nyet gebroken
Comt tot mi al die dorst / roept Christus bi namen+
Hebben wi geenen wille so ketters ramen
So sijn dees woorden te vergeefs gesproken
God seyt / in Deuteromio eest bescreven
Siet ic legge u te voren dees woorden cleven+
Deewich leven / oft de vermaledidinge
Laet ghi mijn geboden ghi wert verdreven
Eest dat ghise hout / eewelic verheven
U wert gegeven / de hoochste verblidingen
Leest Joannem in deerste sonder vermidinge+
Hoort sijn belidinge / god geeft ons macht
Kinderen gods te werden / noch seker tijdinghe
Na ons besnidinge / staet Cristus en wacht
[p. 147]origineel
Voor tduerken en clopt / esser niemant
wel bedacht+
Die mijn stemme acht / is de duere ontploken
Ic sal mijn av[o]ntmael12 daer houden dach ende
nacht
Dit seyt god / is dan den vryen wille versmacht
So sijn dees woorden te vergeefs gesproken
Esser geenen vryen wille / liecht Christus dan
Die seit / wie na mi wilt comen tsi wijf oft man
Matheus scrijft hier van / ten sijn / geen
sagen+
Wat sprac god tot Caym / eer hi de moort began
Ghi mueget tquaet verwinnen / dwelc hi
niet en verwan
Maer heeft nochtan / sinen broeder verslaghen+
Twas sijn scult / niet gods scult quam hy in plagen
Hoort Salomons gewagen / die de waerheyt vant+
Voor u staet water en vier / wilt niet clagen
Kiest na u behagen / mijn siel is in mijn hant
[p. 148]origineel
Seyt David verlicht metten godliken brant
Ontbint desen bant / zijn u oogen geloken
Ghi die errueren stroyt / over alle dlant
Esser geenen vryen wille / na u erch verstant
So sijn dees woorden te vergeefs gesproken
Ons gesontmaker Christus noch openbaer seyt+
Comt alle tot mi ghi die daer arbeyt
Uwen last / u swaerheyt / sal ic u verlichten+
Gaet duer dinge poorte / die int leven hier na leyt+
Die wile dat ghi dlicht hebt / wandelt inde claerheit
Seyt de ewige waerheit / verstaet mijn dichten
Paulus scrijft / tot ons sondige wichten
Wilt seyt hi op richten / u slappe knien+
Doet duecht sonder ophouden / en wilt niet swichten
Voor sviants scichten / leert scriftuere ons vlien
[p. 149]origineel
Hout de geboden / wildi deewich leven sien
Seit Cristus van wyen / wert alle quaet
gewroken+
Tes gods wille / dat salich werden alle lien
Hebben wi geenen vryen wille ic blijf bi dien+
So sijn dees woorden te vergeefs gesproken
Prince.
Werpt wech al u overdaet / doet mijn bevel
Maect u een nieu herte / laet u overspel
O huys van Israel / waer om suldi sterven+
Seyt god duer den prophete Ezechiel
Ic en begeere sonders doot niet / al is hi fel
Maer keert hi hem snel / so menich werven+
Als hi sucht voor sijn sonden / sal icse af kerven
En hi sal erven / mijn rijcke reene
Gods graci es bereet / soet boven conserven
Dat wi dan bederven / tis ons scult alleene
[p. 150]origineel
