Refereyn.
DIe gode bemint / wilt al dat god / wilt+
En dat god mishaecht sinen vrienden mishaecht+
Siet nu hoe Luthers wille / en gods gebot scilt+
Ghi vint seer vele / als ghijt wel ondervraecht
God eerst tot hem selven / groote liefte draecht
Sijn muegentheit / wijsheit / goetheit /
bemint hi
Die wilt hy dat elc looft / maer Luther onversaecht+
Heeft dese beclaecht / eerst gods macht verdint
hy+
Inde seven sacramenten / viere ontkint hi
[p. 151]origineel
Errueren vint / hi blasphemie spreect / hi+
Gods wijngaert bederft hi / de vruchten verslint hy+
Vermetelijc gods geboden breect hi+
Tegen hem steect hi des ic wel seggen derre+
Luthers liefte is van gods liefte verre
Gods wijsheit / daer elc verstant voor wonderlick / wijct+
Dese soude Luther / ooc geerne onteeren
Scriftuere waer in / gods wijsheit / bysonderlic / blijct+
Gesproken gescreven / duer den gheest ons
heeren+
Die wilt hi / na sijn / goetduncken verkeeren+
En deewige wijsheyt / logenachtich maken+
Tes van dien die dwoort gods
bedriechlic leeren+
Versteent vol weeren / seer gierich ter wraken
Hi vermindert gods goetheyt in sulcken+
[p. 152]origineel
Als hi gaet laken / alle goede wercken
Tgeloove alleen seit hi doet god genaken
Hier duer duecht staken / beyde leecke en
clecken
Duecht doen is sonde / seyt dees bastaert der kercken
Duer dit aenmercken / segge ic half erre+
Luthers liefte is van gods liefte verre.
Tes kinlijc dat god / sijn santen grootelijck /
mint+
Die bi hem boven / in vruechden triumpheren+
Hi wilt datmense eert / mair somen blootelijc vint+
Luther wilt alle santen blasphemeren+
Missen gebeden die den dooden profiteren+
Hi den sielen / ooc na sijn macht ontrect
Hemel en eerde wilt hi schiere regeren
Dits sijn studeren / gods dienst hi begect+
Den stanc sijnder ketterien de lucht bevlect
[p. 153]origineel
Christenen verwect / hi te leven als honden+
Gods woort hi na sijn sinlicheit rect+
Daer mede bedect / hi sijn stinckende sonden
Wie sal hem helpen / hi ignoreert sijn wonden+
Noch wil ic orconden / eer ic langer merre
Luthers liefte is van gods liefte verre
God is deewich goet / des hi alle duecht / prijst+
Luther vervolcht de duecht / ic blijfs biden mijnen
Cristus den nauwen wech
/ ter eewiger vruecht wijst+
Luther leert den rumen wech ter helscer pinen
Daer de menscen duer loopen al met dosijnen+
Haet doet hi branden en liefte vercouwen+
Suverheyt ontraet hy muncken en baghijnen
Onreyn als swinen / malcanderen trouwen
[p. 154]origineel
Die met hem houwen / tsi in wat landen
Sie soecken al tvleesch / beyde mans en vrouwen+
Men machse wel scouwen / als helsce vianden+
Wat bringt hi al sielen / in sduvels tanden
Uut Cristus handen / des ic in dwoort verwerre
Luthers liefte is van gods liefte verre
God wilt en hy leert / datmen dlichaem
timmen / moet+
Luther leert niet vasten / maer leckerlijc eten
Inde vloet van welluste / eest om swimmen / soet
Dit prijst hi / als een vanden valscen propheten+
Machomets dobbelen geest / heeft hem beseten+
Want met soeten ase / hi dnetken uut spreyt
Om vincken te vane / na sijn vermeten
Gods doet hi vergeten / dwelc menich
bescreyt
Den wech van antichrist / hi vromelic bereyt+
[p. 155]origineel
Duer sijn hoverdicheit / hi alle dinc berecht+
Siet hoe hi van deenicheit / der kercken sceyt
Dongeleerde hi vleydt / geleerde hi bevecht
Noyt en hadde Lucifer / getrouwer knecht
Ic segge hoe slecht / ic kijke duer de herre
Luthers liefte is van gods liefte verre
God mint pays / die sinen jongers vrede / gaf
Luther verwect oploop strijt ende discoort
Men weet hier besceet / te meniger stede / af+
Hoe menich dusent / isser in haer bloet versmoort+
Duer hem gesciet dagelicx noch roof en moort
Muncken nonnen papen / verbannen verwaten
Loopen tsamen / tes wonder watmen hoort
Wat stellen si dan voort / si scenden de straten
Den leden doet hi thooft / vervolgen en haten
[p. 156]origineel
In allen staten / brout / Luther suer bier
Men bespot paus / cardinalen / legaten+
Bisscoppen / prelaten / wie stooct doch dit vier
Lucifer is de meester Luther de scholier
Mi dunct als ic hier / wel nauwe op sterre
Luthers liefte is van gods liefte verre
Prince.
Prince luegene / is verre / vander waerheit+
Christus is ooc verre / van Belial
De helsce donckerheit / van deewige claerheit+
De salige sijn verre / van tverdoempt getal
Wit en swert scilt vele / en eewelijc sal
Noch verder is Luther van god / ic wilt verstijven
Een sielgierich wolf / die uut Christus stal+
Inden helscen wal / veel scapen sal driven
Gods liefte doet hi / uuter herten wrijven
[p. 157]origineel
En daer in scriven / al vleesch en bloet
Gulsicheyt oncuysheyt vloecken en kiven
Ic wilder bi bliven / dat hi es gebroet
Uut alder ketters asscen / van Lucifer gevoet
Dinct sidi vroet / valt niet vander kerre
Luthers liefte is van gods liefte verre
+ii Timo
iii
+Canti ii
13De letter e is aangevuld m.b.v. de Maastrichtse druk (Maastricht, SB
6001 E 2)
+Deut xxvii
+Eccle
viii
+Actu
ix
+Roma xi
+ii Petri i
+Hiere xxiii
+Roma
i
+ii Corin
iiii
+Hiere xix
+ii Thessa
iii
