Refereyn.
WEest ghegroet / Coninghinne der ontfermherticheyt
Die ons den gesontmaker ter werelt bracht // heeft+
Welc heeft genesen ons sondighe // smerticheyt+
Dies u te recht elck lof dach en nacht // gheeft+
Die maecht ontfinc / maecht baerde / maecht nade dracht bleeft
Dbleec aen Moyses doren inder figuren // plat //+
Voor uwen naem alle de helsche cracht // beeft
Wee alden ghenen die derven rueren // dblat
U te blameren tes teghen scriftueren // dat
Ghy sijt vol gratien naer dinghels orconden // daer+
De heere es met u noyt soo pueren // vat
[p. 8]
Waer in was besloten gods woort den dueren // schat
Gebenedijt sijt ghy dit es om gronden // swaer
Onder de vrouwen / sonder wee / vry van sonden // claer+
Dus roep ic niet achtende hoe ketters houwen // raet
Trouwe vriendinne ter noot ic hebt gevonden // waer
Aen u naest god al mijn betrouwen // staet
Weest gegroet ons hope des levens soetheyt
Noyt puer creatuere so weerdich gods hant // maecte
Het hooft der slangen ghy onder de voet // leyt+
Die om ons te vernielen als viant // waecte
Het was al godlijc dat u verstant // smaecte
Gheen sondich consent noyt in u sinnen // cam
U herte altijt naer uus vaders lant // haecte
Dies u liefte boven de Ceraphinnen // clam
De hemelsche vader was int beginnen // gram
[p. 9]
Op dmenschelijc geslachte wie maecte soene // vry+
De vrucht uus lichaems ghy const verwinnen // dlam
Riviere uut wien honich en melc van binnen // swam
Wi bidden u staet ons avont en noene // by
Wy roepen tot u want wy hebben van doene // dy
Sijnde altsamen jonck metten ouwen // quaet
Tot schanden der ketters maeck ic soo coene // my
Aen u naest god al mijn betrouwen // staet
Tot u wy ellendige Eve kinderen // al
Roepen in desen screyenden dale // suchten
Gods rechtveerdich sweert dreycht dat ons hinderen // sal
Dies wy in uwen schoot altemale // vluchten
Ons boosheyt doet ons voor de helsche quale // duchten
Geseghelde fonteyne besloten cruyt // hof+
Wilt ons schincken u speciale // vruchten+
[p. 10]
Boom des levens daer ons cam tsoetste fruyt // of
Svaders dochter / so ons moeder sheylichs geests bruyt // lof
Aenhoort mijn roepen met grooten geweene // och
Al ben ic sondich / broosch / eerdich / ruyt // stof
Neemt danckelijc mijn loven hoe wel dat luyt // grof
Moeder die Christum van leeden cleene // noch
Hebt ghevoet met u maechdelijc reene // soch+
Die soetheyt uus roocks boven kersouwen // gaet
Want ghy alle sondaers sijt ghemeene // doch
Aen u naest god / al mijn betrouwen // staet
Eya onse voorsprakerse / wilt keeren // haest
Gods toren van ons want hy u bede // hoort
Sonder ontsegghen dies wy u eeren naest
Uwen soone ghy bracht ons vrede // voort
Ghelijc Abigail aen David dede // dwoort+
[p. 11]
Voor Nabal die hy wilde ter doot // bringhen
Wy bidden u dat ghy alle onlede // schoordt
Opdat wy u lofsanc met vruechden groot // singhen
Al waert dat gods plaghen over ons hoot // hingen
Duer u bede sal hy tsweert in schee // steken
Ghy const den Eenhoren in uwen schoot // dwingen
Beschermpt ons eer wy in sviants poot // springen
Aensiet ons scheepken in dmiddel der see // leken
De roeye es gheheven wiltse ontwee // breken
In spyte der ketters die uutspouwen // tsaet
Van blasphemyen wil ic u lof in bree // preken
Aen u naest god al mijn betrouwen // staet
Keerdt tot ons u bermhertighe ooghen // schoone
Siet ons int zee van tribulatien // roeyen
En sendt ons hulpe vanden hooghen // troone
[p. 12]
Van god duer u ons alle gratien // vloeyen
U te loven hen alle natien // moeyen+
Dies niet en doen van god verwaten // sijn
Seraphinnen die in contemplacien // groeyen
Loven u ingelen en Potestaten // fijn
Bereet uwen dienst als ondersaten // dijn
Om u te loven moet memorie // swichten
U borstkens sijn soete boven granaten // wijn+
En u duechden geven soo boven maten // schijn
Datse inde eewyge glorie // lichten
O schoone Judith ghy const victorie // vichten+
Teghen Holophernem noyt vromer vrouwen // daet
Dus moet ic u lof gods cyborie // dichten
Aen u naest god al mijn betrouwen // staet
Thoont ons Jesum ghenadighe moeder // vroet
[p. 13]
De vrucht dijns lichaems gebenedijt // met+
Ons gaet voor hem al eest ons broeder // goet+
Om tot hem te comen ons svians nijt // let+
De bedriechlijcke weerelt spreyt altijt // dnet
En ons eyghen vleesch / ons sonder slapen // quelt+
Staet ghy ons by wy winnen den strijt // bet
U vierich gebet voor ons als een wapen // stelt
Bidt Christum dat hy ons onder sijn schapen // teldt
En dat hy ons met sijnder minnen viere // chiere
Hoe wel ons de viant om ons betrapen // meldt
Dat wy als onghetrouwe knapen // tgeldt
Ons meesters verquisten o balsemmiere // diere
Beschermt ons vanden helschen stiere // fiere
Ons liefte tuwaert niet vercouwen // laet
Tuwer eeren ic noch dit woort creyiere //schiere
Aen u naest god al mijn betrouwen // staet
[p. 14]
O goedertieren / o soete / o milde // maecht
Maria siet ons in swerels foreesten // bysen
Dwalende schapen die de wolf int wilde // jaecht
Want op ons dachlijcx nieuwe tempeesten // rysen
Wilt ons den wech ter hemelscher feesten // wijsen
En laet ons scheepken niet verlooren // dryven
Seesterre / die de salighe gheesten // prijsen
Wiens lof ooc alle heylighe doctoren // stijven
By wiens lof martelaers en confessoren // blyven
Van u Esajas int oudt testament // sprack
Een maecht sal ontfaen onder de vercoren // lyven+
En baren / des moet men u wel gheboren // scrijven
Want ghy waert die in u duer u consent // track
Den vromen capiteyn die thelsche convent // brack
Die u onteeren tsal hen berouwen // jaet
Reyn roede van Jessen / edel excellent // tack+
[p. 15]
Aen u naest god al mijn betrouwen // staet
In septembri den derden dach met vlyte // groot
Tegen een blasphemich gedicht dit gemaect // werdt
Gods moeder ter eeren den ketters te spijte // bloot
Van wien Salve regina ghelaeckt // werdt
