Refereyn.
OCh wat moetmen hooren / wat moetmen al // sien
Een Cristen herte / mach wel verdrieten // tspel
De weerelt es vol schandalen quaet es den val // uulien+
Want sviandts stralen op ons ooc schieten // fel+
Elck mach sijn aensicht met tranen beghieten // wel
Want ick sie alomme waer ick my keere
De waerheyt wert vervolcht gods dienst gaet te niete snel+
En ons naken plaghen soe langck soe meere+
Dits meest al comen uut Luthers leere
O grijpende wolf / in eens lams habijt
Ghy gaeft eerst uute dat ghy socht gods eere
Reformatie der kercken en sielen profijt
[p. 154]
Maer ghy socht u vleesch als valsch ypocrijt
De waerheyt hier af es nu claer beseven
Ay gheveynst geest wat hebdy al bedreven
In deerste bracht ghy al de abuysen // by
Van Paus Bisschoppen13 en Cardinalen
Verachtende / abdijen kercken / en cluysen // vry
Segghende dat papen en muncken al dwalen
Ooc leerde ghy vryheyt voor Duytschen en Walen+
Hier mede creecht gy eerst audientie
Want tgemeyn volck verhuecht van selcker talen
Des gaven sy u te eer credentie
O cruypende cancker boose pestilentie+
Tvenijn es vast voordt en voordt gecropen
Van waken van vasten maeckt gy cleyn mentie
Men derf niet doen dan ghelooven en hopen
[p. 155]
Christus heeft voldaen den hemel es open
Siet wat subtijlder netken werdt hier gheweven
Aey gheveynst gheest wat hebdy al bedreven
Met vleeschelijcken woorden / hebdy tvleesch geloct+
Als Machumet hebdy u wet begonnen
Waer duer es in kerstenrijc een spel berockt
Ten werdt noch ducht ic niet af ghesponnen
Wat heeft daer Lucifer al ane ghewonnen
Den gheest Asmodeus stac Luter in dlijf+
Dus liet hy toe dat muncken trouden nonnen
Want hy hadt ooc gheerne gheweest aen dwijf
Ic laet my duncken dit was sijn motijf
Dat hy de suverheyt eerst heeft mespresen
En want hem de cappe dructe veel te stijf
Soe heeft hy op alle cloosters ghegresen
[p. 156]
Hy en wilde niet langher een muncxken wesen
Dus heeft hy teghen de ghelooften ghescreven
Aey gheveynst gheest wat hebdy al bedreven
Ghy onttreckt den prelaten onderdanicheyt
Dat sy werden veracht van boeven en hoeren+
Ghy verweckt in dondersaten wederspanicheyt+
Ghelijck wel ghebleken heeft aen de boeren
Heel kerstenrijck waecht van uwer voeren
Wat esser menich man in sijn bloet versmoordt
Ghy stelde den hemel ooc gheerne in roeren
Want gy blasphemeert de sancten dus sidy verdoordt+
Daer en is gheen vaghevier dit bringt ghy voordt
En beneempt den dooden der levender bystandt
Wat hebdy op deerde al sielen vermoordt
Dus onder de ketters de croone ghy spandt
[p. 157]
Als een instrument14 vanden boosen viandt
Die den menschen leerdt een beestelijck leven
Aey gheveynst gheest wat hebdy al bedreven
Hoe selt ghijt verantwoorden / boos Apostaet
Dat duer u es bedorven / menich schoon convent
Ghy versmaet de misse ghy bespot den aflaet+
Ghy slaet u tonghe als venijnich serpent+
In die moeder Gods ja int heylich Sacrament
Ghy blasphemeerdt Christus vleesch ende bloedt
U discipulen draghen hier inne consent
Want u leere gheeft hen om quaet doen moet
Sy stelen kelcken cyborien gheestelijck goedt
Dit sijn al Evangelische seden
Anders eest al sonde wat duecht datmen doedt
Eest waken vasten lesen oft beden
[p. 158]
Dit raest Luthers dul hoodt ooc volgent sijn leden
Daer sijn valsche leere aen is becleven
Aey gheveynst gheest wat hebdy al bedreven
Ghi maect argher Christenen dan Turcken oft Joden
Want ghy leertse leven al warent honden
Ghy versmaet der heyligher kercken geboden
Ende segt het sijn al menschen vonden
Ghy ontraet de biechte en geeft vryheyt in sonden
Wat es duer u menighe maecht gheschindt
Die aen god met ghelooften waren verbonden+
Nu loopen achter lande als menschen verblindt
Hoe hebdy vetwijfelt menich goet mans kindt
Nonnen werden hoeren muncken roffianen
O Luter als gy u ooc wel versint
Ghy muecht wel weenen bloedighe tranen
[p. 159]
Ghy doet sotten sottinnen in quaetheyt verwanen
Dat sy voor gods oordeel niet en beven+
Aey gheveynst gheest wat hebdy al bedreven
Balthasar / Swinglius / Oecolampadius
Willen ons in dooren ooc hanghen schoon bellen
Luter ende de ketter Corolostadius
Waren in deerste twee lieve ghesellen
Nu heet deen den anderen den mont der hellen
Want elc waer gheerne de meeste cadet
Luters discipulen waren quaet om tellen
Een elc hooft wilt schier maken een niewe wet
Dwaes es hy die in dees ketters geloove set
Die tegen malcanderen maligneren en twisten
Gods gheest is eenvuldich wel hier op let+
Maer Luter heeft den gheest vanden Wiccleffisten
[p. 160]
Die de simpele verleyt met subtijle listen
Duer de vleeschelijcke wet die hy heeft ghegheven
Aey gheveynst gheest wat hebdy al bedreven
Prince die de boosheyt al ontdecken // woude
Die uut Luter comen es in corten jaren
Tpapier van hier tot Wittenberge recken // soude
En de langckheyt soude den leser beswaren
Dus laet ict hier blyven o Luters caren
Wilt doch uus meesters vruchten aenmercken
En laet sijn valsche leeringhe varen
Want hy es ghebroedt onder sviandts vlercken
Een afghesneden let een bastaert der kercken
Antechrists voor bode Wiclefs scholier.+
Die vernielen wildt alle goede wercken
En niet te verwinnen en is dan door tvier
[p. 161]
Vol blasphemyen ghelijckende tfelle dier
Daer Johannes af scrijft in Apocalipsi verheven+
Aey gheveynst gheest wat hebdy al bedreven
