[p. 133]
Refereyn.
O Traghe menschen / wilt u vercloecken+
En pijnt u gheringhe / op te stane+
Gaet den nieuwen / gheboren Coninck soecken+
Hy leyt int Cribbeken / ghewonnen in doecken+
Minlijck bereet / om elcken te ontfane+
Hoort wat ick u uut Esajas vermane
Staet op Hierusalem u licht schijnt openbaer+
Trect de Wapenen der rechtveerdicheyt ane+
U voeten gheschoeyt zijnde / pijnt u te gane+
Nae Bethleem / den salichmaker vint ghy daer+
Neempt dEngelsche bootscap metten herders waer
Sondighe menschen / wilt nae Bethleem haesten
Soect den Heere / hy loopt / u selve naer+
Gaet met vollen betrouwen / vry sonder vaer+
Door den wech der penitentien / ten naesten+
Gaet in u juecht / beyt niet ten laesten+
Als u de bitter doot compt verslinden+
Soect den Heere / te wijle ghy hem muecht vinden.+
Ghy machtighe menschen rijck van Haven
Paus / Cardinalen / Gheestelijcke regenten+
Coninghen / Princen / Hertoghen / Graven
Cooplien / Ambachtlien / arm simpel slaven
Gheordende menschen / uut allen conventen
Voor thuysken van Bethleem / slaet u tenten+
En wilt den nieuwen Coninck aenbeden+
Metten dry wijsen uut Orienten+
Valt hem te voeten / laet u oude ghewenten
Daer ghy Gods ghebodt / door hebt overtreden
Offert hem u herte / laet af zijn ghesneden+
Alle boosheyt / wilt ghy vercrijghen boete+
In een levende offerhande gheeft u leden+
Die ghy hebt ghegheven / tot onsuyverheden+
Dus doende / payt ghy tkindeken soete+
De Bruydegom compt / gaet hem te ghemoete
Eer de deur wert gesloten / metten wel ghesinden
Soect den Heere / te wijle ghy hem muecht vinden.
[p. 134]
Soect den Heere / met berouwighen gronde+
Met suchtender herten / met schreyenden ooghen+
Wanneer ghy hem hebt / verloren / door de sonde+
Kent u ghebreck / en belijdt metten monde+
Hy sal u zijn bermherticheyt / tooghen+
Een kindeken jonck / is goet om booghen+
Tsal lichtelijck laten sincken sinen toren
Sijt ghy arm / wilt u te soecken pooghen+
Den milden Coninck niet om verhooghen+
Hy sal ontsluyten / zijn Godlijcke Tresoren+
Sijt ghy cranck gewont / gaet soect al voren+
Den grooten medecijn / die u mach ghenesen+
De wijle ghy den tijt hebt / wilten oorboren+
Want den stercken Engel / heeft ghesworen+
Byden levenden / inder eeuwicheyt ghepresen+
Dat nae desen tijt / gheen tijt en sal wesen+
Dus eermen u / handen en voeten gaet binden
Soect den Heere / te wijle ghy hem muecht vinden. +
Compt liever ter eersten uren / dan ten elven+
Inden Wijngaert des heeren / eert wert te spade+
Soect den verborghen schat / wilt dien uut delven
Die hem selven soect / verliest hem selven+
Die tijtlijck gewin soect / vint der sielen schade+
Soect tghene dat boven is / leeft by rade+
Niet dat vander eerden is / nae Paulus leere
Soect eerst trijcke Gods / slaet dees wercx gade
En zijn rechtveerdicheyt / en door Gods ghenade+
Sal hy u toeworpen / cost / ende cleere
Soect ghy sult vinden / seyt Christus de Heere+
Wilt u niet als ongheloovighe vermeten+
Te soecken wellust / oft tijtlijcke eere+
Gadert hier gheenen schat / sorcht niet te seere+
Wat ghy sult aendoen / drincken / oft eten
Dit soecken de Heydenen / die niet bet en weten
Maer wilt ghy als si niet heel verblinden
Soect den Heere / te wijle ghy hem muecht vinden.
[p. 135]
Soect den Heere in de bequame tijen+
Nu hy nae by is / of hy sal u ontverren+
Soect bystant aen hem in alle u lijen+
En sinen godlijcken troost / sal u verblijen+
Soect hem niet als Herodes / maer sonder merren+
Soect hem metten dry Coningen / volcht der sterren
Wilt ghy salichlijc / voor tcribbeken gheraken+
Wilt opten wech / inde werelt niet verwerren+
Want die byden Ter wandelt / sal hem beterren+
Die eertschen troost soect / en mach Gods troost niet smaken +
Die den Heere wil vinden / met zijn selfs versaken+
En zijn cruys op nemen / tzijn leecke oft clercken
Soect den Heere / in vasten / bidden / en waken+
Werct de wijle dat dach is / den nacht sal naken+
Seyt Christus / dat niemant en sal mogen wercken+
Soeckt den Heere / door den enghen wech / en wilt mercken+
Al is hy scherp / hy sal int leven / inden
Soect den Heere / de wijle ghy hem muecht vinden.
PRINCE.
Soect den Heere / die uut liefden puerlijck+
Om u te soecken is uuten Hemel ghedaelt+
Als een goet Herder bermhertich natuerlijck+
Ons neerstelijck soeckende met arbeyde suerlijck+
Doen wy als verloren schapen / liepen verdwaelt+
En heeft ons minlijck / op zijn schouderen ghehaelt+
En weder ter rechter coyen / ghebracht+
Dus siet dat ghy zijn trouwe / met trouwen betaelt+
Al hebben wy in zijn liefde / dickwils ghefaelt+
Nochtans soect hy ons salicheyt / dach ende nacht+
Cloppende staet hy voor ons duerken en wacht+
Soe wie hem soect / dien sal hy hem selven gheven+
Al hebben wy zijn Goddelijcke geboden veracht+
Nu soect hem dit nieu jaer / elck in zijn ambacht
Neeringhe / profijt / en welvaert / sal u aencleven+
Alle die God soecken / vinden deeuwich leven+
Die hem selven soecken / namaels veel allinden+
Soect den Heere / de wijle ghy hem muecht vinden.+
+Prover. 6
+Ephesi. 5.
+Math. 11.
+Luce. 2.
+Matth. 11
+Esai. 60.
+2 Cor. 5.
+Ephesi 6
+Luce. 2.
+Psalm. 33
+Psal. 104
+Hebre. 4.
+Matth. 7
+Eccl. 12
+Esaje. 55.
+Math. 11.
+Luce. 2.
+Math. 2.
+Jere. 50.
+Psalm. 56
+Roma. 2
+Rom. 12.
+Roma. 6.
+Luce. 15.
+Hiere. 14
+Jacob. 5.
+Hiere. 2.
+Roma. 10
+Ezech. 18
+Esai. 55.
+Mat. 5. 7.
+Joel. 2.
+Deut. 28.
+Prov 13.
+Luce. 5.
+Galat. 6.
+Apoc. 10.
+Psal. 45
+Joan. 9.
+Esai. 55.
+Mat. 28.
+Mala. 4.
+Matt. 13
+1. Cor. 10
+1 Tim. 6.
+Matth. 6
+Matt. 7.
+Psal 16.
+Eccle. 27.
+Matt. 6.
+Eza. 49.
+Phili. 4.
+Psal. 17.
+Psal. 9.
+Matth. 2.
+Luce. 2.
+2. Timo. 2
+Eccle. 13. / Matt 6.
+Luce. 9.
+2 Corin. 6
+Danie. 9.
+Joann. 9.
+Galat. 6.
+Matth. 7.
+Joan. 3.
+Matt. 18.
+Joann. 10
+Mat. 18
+Esa. 53.
+Mat. 8.
+2 Cor. 12.
+Johan. 11
+Jacob. 3.
+Matt. 11.
+Apoca. 3.
+Matth. 7.
+Eccle. 41.
+Deut. 28.
+Matth. 7.
+Philip. 2.
+Esai. 55.
