|
|
|
| |
LXXXV.
Hoe Bernt uit den Enghe met V personen ghecorrengeert
(sic) waert.
Item want
Utenenghe heer Melijs
Hem voormaels zeere in felre wijs
Ende grootelijc mesgrepen heeft ende ontgaen
10600
Jeghen die rechten, ende mesdaen
Jeghen die stat van Bruessele, in dat hi
Heer Everaerde Tserclaeus, dat segghic
di,
Riddere, om srechts wille ghereet
Der stat van Bruessele, sijn tonghe uut sneet
10605
Tot harer grooter sceemten voorwaer:
Bi welken den ghemeenen lande daer naer
Van Brabant groote last toe quam.
Welke heer Melijs, soe ict vernam,
Liet eenen sone, sijt seker das,
10610
Die
Bernt Utenenghe ghenaemt was,
Van Utrecht; die welke mids desen
Verscuwet, veronweert soude wesen
Onder alle Brabanters wel ghemeit,
Om dat horribel feit voorseit,
10615
Dat sijn vader beginc in dat,
Om srechts wille van der goeder stat
Van Bruessele, aen selken riddere waert,
Als was die goede heer Everaert.
Bi desen, ende ooc mids des
10620
Dat hi niet gheseten en es
Noch ghegoet in Brabant iet,
Soe en beteemt hi billics niet
Tot des princen rade, segghic di.
Soe heeft hi nochtan, sint dat hi
10625
Tot shertoghen rade ghecomen es,
Hem mesgrepen in alle des
Die andere hier vore hebben bedreven,
Ghelijk hier boven es bescreven.
Ende daer toe hadde, dit was strenghe,
10630
Die selve Bernt Utenenghe
Die weduwe wilen, hoort dat besceit,
Willems van den Berghe voorseit,
Op gheloove bi onsen ghenedeghen heere
Doen, bi
Mier Vrouwen tot harer eere
10635
Tot haer ierster incomst daer
Binnen Loven comen (was), dats waer;
Ende bi dien gheloove, met ombesceit
Wert si daer na uter vriheit
Van Lovene met crachte wech ghevuert,
10640
Al critende. Hier omme, als vore gheruert,
Es overdraghen, dat hi sal
Die selve bedevaert groot ende smal
In alder manieren doen ter vaert,
Ghelijc si vore es verclaert
10645
Ende op
Reineren Moers ghesat.
Claeus Colensone, des sijt vroet,
Ende
Rutgheer Boene, die hem doet
Van Tefelen heeten, ooc bi desen
10650
Onredeliken segghen hebben ghewesen
Dat over die brueders vore verclaert
Van den Heetvelde gheseeght waert,
Ende om dat Claes, des seker sijt,
Seghelere was ter selver tijt
10655
Ons ghenedichs heeren van Brabant,
Doen Hollant, Zeelant,
Vrieslant
Hertoghe Janne van Beieren bezeghelt
waren,
Als ghi vore hebt hooren verclaren,
Die zeghelinghe niet en heeft belet;
10660
Ende om dat Claeus ende Rutgheer met
Hebben helpen dichten, zeghelen ende scriven
Van shertoghen weghen ende toe driven
Aen sijn lande van over Mase
(Daer si aen hebben ghedaen als dwase),
10665
Over die edele ende ooc mede
Over Lovene die goede stede,
Met hem leefden, ende desghelijc
Jeghen hem, hoort mi verclaren,
10670
Wederspannich ende onghehoorsaem waren
(Des si niet en hebben ghedaen,
Noch doen en selen ooc voortaen),
Ende mids meer anderen zaken tot desen,
Daer si over hebben ghewesen,
10675
Consent daer toe ghevende meere,
Die ghedroeghen ieghen die eere
Ons ghenedichs heeren shertoghen
Ende ieghen sijn incomst ongheloghen:
Soe es overdraghen dat si
10680
Te Sinte Kathrinen te
Sinai
Elc selen doen een bedevaert,
Ende daer na trecken onghespaert
Ende buten den palen bliven, tes waer
Van Brabant vive ende twintich iaer.
10685
Voort es overdraghen op tgone,
Dat die voorseide sesse persone.
Nemmermeere tot gheenen daghen
Dienst in Brabant en selen draghen,
Noch hebben enich regement
Noch bi Mier Vrouwen, si u bekant,
Noch bi den steden van Brabant.
Dese correctie was, hoort mi saghen,
Bi der stat van Lovene overdraghen
10695
Met consente der baenrotsen,
Ende den anderen steden, verstaet den fijn,
Van Brabant die daer bi bleven sijn,
Ende worden uutgheroepen int clare.
10700
Te Lovene in den voorseiden iare
XIIIIc XX ghesciede dit soe,
Op Onser Vrouwen dach Assumptio,
In oeghst den XVsten dach.
Bi welker correctien, doe ic ghewach,
10705
Ende bi der stat van Lovene diese dede,
Sijn bleven die heeren entie stede
Hier na ghenoemt, te wetene slecht:
Greve te Nassouwe
Inghelbrecht,
Heere ter Leck ende te Breda,
10710
Willem greve te
Zeyne daer na,
Heere tot Sinte Aechtenrode;
Ooc was daer in die ieghenode
Die heere van Diest
heer Thomas;
Joncheere Jan daer bi was,
10715
Heere tot Phaleis ende te
Wesemale;
Jan van Schoonvorst, verstaet die
tale,
Borchgreve te Montjouw zekerleke,
Heere te Cranendonck ende te
Diepenbeke;
Heer Jan, heere tot
Rotselaer;
10720
Jan van Glimes was ooc
daer,
Heere tot Berghen opten Zoom;
Heer Heinrijc van der Leck, neemt
goom,
Heere tot Heeswijc, ende
van Hoorne Jan
Heere tot Perweys, ende ooc
Jan
10725
Die heere was tot Boutershem,
Ende
heer Aernt van Craeyenhem
Heere tot Grobbendonck, dits waer,
Ende
heer Jan van Berlaer
Heere tot Helmont, als ic vernam,
10730
Heer Jan heere tot
Witham;
Heer Raes van der Rivieren was
daer,
Heere van Nederlintere voor waer;
Heer Heinrijc van Diest, in lieghe u
niet,
Dien men heere van der Rivieren hiet;
10735
Van Heverle heere heer
Heinric,
Heer Wouter van Winghe, dat
segghic;
Heer Librecht van Meldert, soe ic
vernam,
Ende
heer Heinrijc van Witham
Heere tot Bersele, verstaet die leere;
10740
Heer Jan, te
Donghelberghe heere,
Heer Heinrijc van Waelhain, segghic
di,
Ende
heer Robbrecht van Sponty
Heere tot Wavere tsinen ghevalle;
Heer Wouter van Kersbeke, heere tot
Stalle
10745
Ende tot Goetsenhoven; ooc meere
Was daer [heer Jan] van Huldenberghe
(die) heere,
Van Bourgevail heer Roelant,
Van Rotselaer, si u bekant,
Heinrijc, dien men heere te
Roest hiet;
10750
Heer Jan van Kersbeke, in
lieghe u niet,
Ende
heer Yewein van Houthem,
Van St Goerics heer Claeys,
dit vernem,
Heer Everaert Boete, in lieghe u
niet,
Heer Lodewijc dien men Pinnoc hiet;
10755
Heer Jan,
heer Wouter, daer ic af telde,
Ende
heer Willem van den Heetvelde;
Daer was ooc
Willem van Montenaken
Heere tot Grasen, verstaet die zaken;
Jan van Ranst, verstaet den fijn,
10760
Heere tot Canticrode, ende
Baudewijn
Van Glimes, des wilt mi ghelooven,
Ende
Jan heere tot Schoonhoven,
Jan heere tot Voelen min no meere,
Ende
heer Willem tot Bigaerden
heere,
10765
Ende
Jan Dicbier, wet voor waer.
Nu volghen hier die steden naer
Die bi der correctien voorscreven
Ende bi der stat van Lovene bleven:
Tricht, Thienen, Leeuwe,
Nivele,Liere;
10770
Herentals, Vilvorden volghden
sciere,
Berghen opten Zoom ende Breda,
Steenberghen, Aerschot, hoort hier
na,
Sichenen, Landen,
Gheldenaken,Halen;
Ende namaels hebben, met corter talen,
10775
Die stede van Bruessele, van
Antwerpen
Met haren brieven aen die baenrotsen
Ende edelen des lants ghescreven,
Ende aen tstat van Lovene, dat si bleven,
Met meer woorden daer toe gheleit,
10780
Bi alle den correctien voorseit.
|
|
|
vorige
