[p. 36]
[kaise toke maiyá boli]
kaise toke maiyá boli
jab tu janam deike pastá hai
aur abbe tor dil ke icchá hai ki paidá hote hi
gatai dabái dete hamár
roike áj tor duár chorli
ná hardi lagal ná sinhur
dán-dacchiná chor
ná dulhá ná baráti
toke pakarke ná roili maiyá
bappá ke gor ná chuili
hamár hálat dekhke
dukh ná bhail tulogke
pastáwá hamár paidáis pe
bahute áil
jab jahar pi lei tulogke
ákhri icchá
kaun háth
hamke ápan ján lewe hai
tu janam dele
tuhi jahar piyáw
kaise toke maiyá boli
jab tu janam deike pastá hai
