4. Wat is eene gecompeneerde wonde ?

Maer het is gequetst te sijne int vleis met verliese van eenigen vleische1, oft anders dat die wonden gaen in senuwen, in aderen, in arterien, in croselen, in beenen, in corden, in muskelen, in panneelen of in eenigen der leden die in dat vleijs sijn. Off anders soo sijn sij gecomponeert als tot hem comen eenige toeuallen oft veranderinge van eeniger locht, in hitten, oft in couden, oft in verhertheden, oft in verdroocheden, ofte wack, oft van eenigerhande quade toeuallen van siecheden, oft van eenigerhande saken die contrarie sijn der gesonde.