5. Wat medecijne is men schuldich te doene tot thooftwonde na elcke sijn deel ende sijn nature ?

Maer elck deel sal conforteren met sijnre gelijke, dat is heet ende drooge met hitten ende droochte, dat coude ende droogh met coude ende drooge, dat heet ende versche met heete ende versche, dat coude ende versche met coude ende met versche.

Maer waer enich deel bouen sijnre natuerlijcker mitten soo soude ment medicijnen met medicijn(en) die vercoel-

den. Ende die drooge met wacken ende die wacken met droogen ende die coude met hitten ende die heete met couden ende also ofdoen die discretien die onnatuerlijck sijn met medecijne die contrarie hem sijn.