7. Wat soude men doen als dat vlees vanden hoofde ware gewont met sneden der wapene, ende die wonde breede oft lanc geuallen ware ?

Soo sal icse weder toenayen met eenre drijcanter naelden ende daer inne eene sijden draet oft eenen getwijnden draet ende die gewast; nader edelhede oft cleenhede der steken soo (sal) mijne naelde (ende) mijnen draet cleene (wesen) in subtijlen, simplen ende onbedecten steden als aensichte, lippen ende tongen, nosen ende palpebren ende oren, ende nader diperheden der wonden soo mach die nainge cleene wesen, ende in dipe, groote, wijde wonden, ende in

grouen bedecten steden, soo sal die naelde ende den draet te meerder wesen ende die steke te dieper1 int vlees.