27. Wat suldij doen als die broke oft schore vanden hoofde effen sij ende ghij geen been vuijt en doet ?
Ic giete in de schore goede olie van roosen ende op dat been gebroken soo leg ic kleederkine ofte wixkene genet in olije rosaet een deel, ende seem van roosen wel gecoleert een halff deel, ende in die wonden vanden vleese soo leggick wiken genet in olie rosaet ende doderen van eijeren daer toe3. Ende also gae ic voort metten mondificatiue, diffenciue ende metten consolidatiue4 ende droge draden ende
[p. 40]
metten puluere tot wel genesen is. Ende ic houde de wonde open vanden vleesche tot datse binnen wel geconsolideert is.
