48. Waer mede suldij quade discretie1 weeren als sij coempt ?

Ick sal den siecken metten gequetsten lede rusten, ende minderen hem sijne spijse, ende ic ijdele hem dat lichaem, ist van noode, ende ic becoelen, ende ic bescherme ende saechte dat let, ende ic en lates nijet perssen. Ende ic doe dat let hooge leggen, ende ic doe hem ter cameren gaen lichtelick, ende ic doe hem laten, ist noot, ende meest in lichamen die vervuylt sijn, want die sijn alre(meest) te wachtene.