66. Waer aen suldij kennen dat diaffragma is gewondt ?

Maer daer wort die versuchtinge ende swaerhede in die verademinge swaren hoest ende onvergangelijke sweeren in de sijden, dan jugere ic hem de doot. Ende alremeest op datter sijn quade toeuallen, soo en is daer geene hoopen aen van genesende, want het is alle wege beroerende van winde gelijc den blaesbalgen doet den smeden, dat is die longene, want int ontdoen, soo neempt sij die locht, ende in haer toeluijken, soo geefset den vire. Ende om dat dit

is een vellich let, nyet1 hebbende (p. 115) eenich groff groot vlees ende is gewonnen van mij spermate2 dienende den adem, daer omme in haer wonden soo isser gebrec met versueckinge, met porringe van beijde die schouderen.

Ende die wonde die is omtrent die corte ribben is incurabel, maer int vlees machmense genesen na dat Galienus seet met goeder discreter cueren, met dranke oft pigmente, plaester oft saluen.