86. Wat salmen doen te beteren die toeuallen als sweeringe, zwellinge ende apostomen ?

Ic sal dat let saluen met wermer olien van roosen of wolle daer in genet, ende soe saechtelijc daer op gebonden. Die apostome doe ic of2 met latene ende dat let te antierene met couden dingen. Ende dunke mij, ic make cerone van olie rosaet, van olie van camillen ende van wasse, of

met onrijpen wijnbesien, want het conforteert dat let ende verstroijt die apostomen. Ende is daer eenige juecter1 inne, die doe ic aff met een luttel werm waters daer een luttel souts in is, ende daer in gewassen, ende daer na gesaluet met olije van roosen ende asijn te gader geslegen tot dicke ende witte wort. Sijn die toeuallen gecesseert, dan keer ic weder totter bindinge.