Refereyn.
Inden beghinne Was twoord warachtich
Ende twoord was by god** ghebenedydt
ende god was dat woord Almachtich
15
dit was In tbeghinsel / By god altydt
Alle dynghen / zyn duer hem ghemaect bevrydt
en zonder hem esser niet ghemaect beseuen
Een god in drie persoonen / diet al verblydt
datter ghemaect es / in hem was tleuen
20
ende tleuen was tlicht der mensschen ghebleuen
ende tlicht schynt inne die duusterheyt ziet
maer hoe claerlichtende / dit licht was ghegheuen
de duusterheden / hebbent begrepen niet
Daer was een man ghezonden / van god Certeyn
25
Wiens name Iohannes was zonder blame
dees es ghecommen in een ghetughenesse Reyn
om ghetughenesse gheuen / van tlicht Eersame
iohannes / die en was tlicht niet / maer
om dat hy zoude / Tonslieder vrame
ghetughenesse gheuen / vanden lichte claer
5
het was / een warachtich licht voorwaer
Twelck alle mensschen verlichten biedt
die daer inder vveerelt comt / nochtans / daer
de duusterheden / hebbent begrepen niet
Tvvas inde Weerelt / en de weerelt / es duer hem ghemaect
10
En die Weerelt en heeft hem niet ghekendt
hy es in zyn eeghin gheCommen naect
en de zyne hebben hem niet ontfanghen omtrent
Ende alle zo vele alsser hem Excellent
hebben ontfanghen / dien ghegheuen heeft hy
15
Macht omme gods kynderen te wordene gent
desen / die in zyn name gheloouen vry
dewelcke die niet huuten bloede zy
noch hute den wille des vleeschs* gheschiet
noch hute den wille des mans der by
20
de duusterheden hebbent begrepen niet
[p. 34]
Prinche
Maer die huut god huer gheboorte begorden
dien zal ghebueren / machtichste zede
Ende Twoord es vleesch ghevvorden
25
en ghewuendt in onslieden in deerdsche stede
En wy hebben ghezien zyn glorie mede
een glorie / als boetende / al ons verdriet
van een eenighen gheboren / des vaders vrede
vul gratien ende Warachtichede
30
De duusterheden / hebbent begrepen Niet /
