[p. 38]
15
ouer tgheel mensschelicke gheslachte
hemel ende eerde ghy wel Regiert
Bermhertich ghemaniert
ghenaede ghy hanthiert
Niet / en esser buten huwen machte
20
vvie thuwaerts doet / om hulpe clachte
met ghenadighen / crachte
ghy die anhoordt
En duer hu beloofde woordt
ghenaedich Rechtevoort
25
Eeuvvich ghy int ghedueren blyft
eeuwich zonder tydt
die alle dieren voedt en lyft
God ghebenedydt
En ware duer hu groote ghenaede ziet
30
die ghy daghelicx biedt /
+ wy waeren tsaemen niet
heere god van israel groot eersame
de zunne van gratien tonswaerts vpRyst
den Rechten wech ons wyst
5
dyn crachtich woordt ons spyst
gheestlick en Lichaemlick duer huwen name
Themelsch firmament alsoot betame
tonser alder vrame
vp dat de menssche zy
10
zyn cours laet hebben ghy
hu dies eeuwich Louen wy
en waere duer hu Rechter handt
die ons doet duecht
Alle vleesch wierde zaen stof en zant
15
Want ghyt vermueght
Lof god der heyrCrachten van israel
god der goden nyemandt el
mach ons te doene wel
zonder wien mach yemandt yet doende wesen
20
duer huwer ghenaeden groot ghetal
hier inder traenen dal
vruchten der eerden al
gheeft bloeysel en groeysel heer god ghepresen
Wat ons noodzaeckelick bouen desen
25
es tot ons ghenesen
dat ghenaedich consenteert
[p. 39]
Wynter zomer passeert
wederom nieu ordonneert
met zonne mane ende sterren
30
ghy dach en nacht verlicht
Dus* lof van by end oock van verren
zy hu ghesticht /
B. Godsvruchtich louen hu god almachtich sterck
van al hu wonderlick werck
35
ghedaen in tsweerelts Perck /
+ ende doet noch daghelicx in allen steden
voor wien hemel eerde end helle vreest
zonderlynghe hu louen meest
Warachtich inden gheest
5
O god ghy ons hooft zyt / en wy hu leden
die ons ghestelt hebt in paeys en vreden
duer veel ghenadicheden
claer goddelick aenschyn
die vp elck termyn
10
Bouen al hu wercken zyn
Christo huwen zuene wy danckynghe doen
knyebughelick expres
duer gods ghenaede onslieder Rendzoen
int cruce worden es
15
A. Die ons verleent ons daghelicx broodt
huut huwer ghenaeden schoot
vrouch en spaede tonser noodt
ons hebbende hu zeluen voor ghifte ghegheuen
gheene ghenaede tonswaerts vpspent
20
Want tot des weerelts hend
ghenadelick omtrent
vvilt ons heer god zyn by ghebleuen
Alleene wech waerheyt ende Leuen
voor tsatanitich beuen
25
ons vroom bystaet
Lof bouen Lof ontfaet
vergheuer onser mesdaet
// duer Iesum christum hu zuene claer
huwe Liefste bemint
30
thuwer Rechter handt zittende daer
huwe gramschap verwint
[p. 40]
Glorie danck eere end eeuvvich lof
zonder scheeden der of
bieden wy zondaers grof
35
heere god vader almachtich eene
zy glory oock ghewaeght
en daer naer onversaeght
den helighen gheest / hooghwyser gheene
5
zoo die glorie was ghemeene
eeuwich groot niet Cleene
int hemelsch bevanck
en blyft zoo eeuwich lanck
eeuvvich zonder verghanck
10
// Ghy die zyt Alpha end O
zonder beghin
Elck bughen moet thuwen ghebo // hoe edel zin /
Ofte
Heer god die ons voor plaeghen grief
15
daeghelicx beschermt
Alle die hu hebben met herten Lief
doch vastgheloouich vermt /
