[Vp eennen Moorghenstondt deed ick Reecxsele]
Vp eennen Moorghenstondt deed ick Reecxsele
naer myn Lichaems custode / langhe ghekeken
ick streeck myn ooghen met nuchter speexele
ende hebbe my inde Luwers ghesteken
30
de wel ghecleede / heeft noyndt pand bezweken
Ick gaeptte ick gheeude ende ick greep
myn angordynghe druckmoedich ghefaest
zy hadde gheerne gheweist gheAest
hy wuent wel / die den backer wuent naest
Cort vpghespoelt zonder veel lanck gheslips
5
zoud ic dronckaerts Pater nostre Lesen
tvvas in myn buerse zulck wonder Eclips
ken zacher een Cruce niet in / mids desen
zo de zaecke ghebuert / zen mach anders wesen
Hoe docht Ick niet te vyndene een Inckel placxken
10
tvvas vp therte een pacxken // naer myn verstandt
doe zocht ick naer myn Iaer almanachxken
tot dat ict emmers ghecreegh in dhandt
Tes te laete waeter ghebrocht naer Brandt
Zouckende ghijnck icker toe zitten zaen
15
om weten vermist inden gheest ghequelt
in wat planete ick was vpghestaen
Tvvas Woensdach xiiij. meye ghetelt
Tes cranck betrau diet vp tmaneloop stelt
[p. 42]
Vp ascentioens avendt int iaer gheIuust
20
XVc Eenentzestich ghescreuen
ziende waer de mane was / ick was ontCruust
Ick vandse int teeckene gemini bleuen
Planeten zijn de qua quaet / en goet / die wel leuen
De mane in Gemini ic creegher in verwaermen
25
eylaes docht ick dits gheen planete goet
en mids die planete meest Regiert de Aermen
als Brachius homo vand ick my ghegroet
wie prope taurum es / Es een aerm bloedt
Doch gemini wel eens myn Aermen bedwanck
30
Twas voor my een quaet planetich teecken
zen consten myn handen gheen ghelt doen Reecken
Tes verloren gheschuuffelt / als tpeerd niet wil zeecken
Flauhertich dies zynde alf leuende doodt
5
weewytich my drie occasien deerden
ken hadde in huus Ghelt bier noch broodt
myn leden huer moeders buuck begheerden
zulck zouct blaeu excusen van cleender weerden
Ick weynsschte zoo de kynderen tzegghene pleghen
10
verlost end int papen pitken te zyne
fantazie bespranck my / en Ick vachtter tseghen
pacientie trooste my inde Pyne
Tscheipken moet volghen / de treckers lyne
Diueersche ghepeynsen ieghens my vphiefuen
15
ydelbuersich was / ick van twyf begreynst
entwat zouckende / vand ick onder myn briefuen
daer in stondt ghescreuen / Ick lyd ongheveynst
Memorare nouissima / vp dyn huuterste peynst
Ick beghonst om veel vreimde ghezellen // dyncken
20
die zomtyds waeren / als ick waen bestreden
dus peynsende / zo hoord ick de bellen // Clyncken
datter een van dien was haest ouerleden
de doodt spaert nyemandt / in tsweerelts steden
Ende inden gheest wierd ick verwect mids dien
25
huut Liefden om bede noch oock om ghiften
[p. 43]
dat ick hadde ghekent menich goet ingien
elck huerer poetich goet Rhetoricien
die dus te stellene by gheschriften
