Refereyn
Heer gillis Rubs priester / der consten voedere
30
ende Religieux Ten zoetendale
ghevppert binnen der Rhetorycken zale
heer claeys bollaert / priester der kercke cathedrale
van sint saluators gheestich zangher bekent
5
Meester Steuin vanden gheenste / Int speciale
goet componiste int moraliseren gent
ian de scheerere Laureyns bardt waeren excellent
dese consten de conste artistich oorbooren
heer thilman samuel int graeu broers Convent
10
vvandelde der consten een weynich omtrent
Ad patres nostros / zyn dese vooren
Cornelis coolman Pieter de mil brugsche clercken
cornelis eueraert Clerck vanden ardchieren
Iacob kempe / andries de smet / dese deden wercken
15
gheestich beraeyt met tshelichs gheest vlercken
de conste consten zy Reynmatelick hanthieren
Pieter maertins had oock gracieuse manieren
die voor devyse schreef / Buerse zonder ghelt
in Spaert niet meer / deed hy constich logieren
20
niet een letter meer noch min / dan zyn name spelt
Iooris hellinck heeft menich fraey liedeken ghestelt
voysich / anghename van veel volcx int hooren
Pieter vander helst / dient oock mede ghetelt
maer hoe constich / de doodt heeft ze neder ghevelt
25
Ad patres nostros / zyn dese vooren
Boudevvyn van cokelare tegheldecker was hy
een zeer goet florateur / ende bourdich mede
guyoot vander Reviere / quam oock ter consten by
ghestelt meneghe leysse / wel weten wy
30
obseruerende maetlick de musicale snede
ian moenaert clerck ten vryen zomtyts wat dede
tsint donaes an Iooris verdonct cappelle daer
hanght een lof / ter eeren vander drievuldichede
Twelck by hem ghemaect es / ouer menich Iaer
[p. 44]
Alaerd appe / franssoys boucke / deden druck verstooren
Wouter blasen / oock een Redenlick facteur voorwaer
alst god belieft / als nuetien / moet Ick volghen naer
5
Ad patres nostros / zyn dese vooren
Prinche
Daer was oock Claeys van belle
goet musicien / zangher in diueerssche chooren
al te bourdich cluchtich / was hij van voortstelle
10
zo goet een theerknecht / maer watmer of Relle
Ad patres nostros / Es hy oock vooren
