Doch om niet vergheten meester maertin de busere
weert gheRegistreert tzyne in dese ferie
hy wasser eens / Oock gheworden verhusere
15
heeft me helpen spelen / menich schoon misterie
gheschict bouchouder / verstaende zyn materie
Weder docht ick zyn die zoo monster ghepasseirt*
met dier laetst ghecloncken was / heb ick ghefantazeirt**
omme naer mollengys legher te treckene
20
hedent hem / moorghen my / (hoe langh gheRengneirt***)
mach my de doodt oock pynen te neckene
ieghens tsdoods comste clynctmer gheen beckene
Dus ghemerct dan / het zy gheen zeker Rentken
ter weerelt Rusten / vp een onzeker Lene
25
zo peynsd ick om stellen dit weeck testamentken
ende nammer eennen moed in Rasch Vp // En // Dene //
elck zie dat hy Rechte / zyn carreken mene
Maer eer ick componerende zou voorder passeren
nopende myn testaments ydele zaecken
30
zo quam my zoo my docht den gheest inspireren
dat ick met een oetmoedelick Contempleren
noch / alder eerst zoude dit Liedeken maecken
ende zynghende Craecken /
