[p. 45]
+ In te domine speraui
.Psal. 30
Vpden Voys
Och moeder zeyt zou moeder
Ick comme / tot hu om Raedt /
In hu heer hooghst van namen
heb ick myn hope gheleyt
en laet my niet beschamen
doch inne der Eeuvvicheyt
10
in hu Rechtueerdichede
vvilt my verlossen vry
om my verlossen mede
comt haestelick tmynder vrede
End hu ooren buught tot my
15
Weist my heer god almachtich
tot een beschermer gheplucht
maect my behouden crachtich
in een huus der toevlucht
want myn stercte alleene
20
ghy ende myn toevlucht zyt
end om hu name Reene
zult my leeden huut weene
End vpvoeden talder tydt /
Ende ghy zult my leeden
25
duer hu hooghverRysen groot /
huut dien streck tsvyands spreeden
der onvoorzienegher doodt
Twelck streck zy my met liste
hebben verborghen daer
30
maer zoo ick oyndt wel vviste
eer ick verghae te quiste
zyt ghy myn beschermere claer
In huvven handen heere
Beuelic dies mynen gheest
+ ghy hebt my verlost zeere
god der warachticheyt meest
// Ende ghy wilt versmaeden
al ydelheyt onghemaniert
5
die gheen proffyt Can Raeden
maer Inbrynght groote schaeden
Al de ghuene diese hanthiert
[p. 46]
Inden heere ghenaedich
heb ick ghehoopt Clouck en fyn
10
daer om zal ick ghestaedich
verblyden en vroyelick zyn
Dancbarich in myn daeghen
in huwe bermherticheyt groot
duer myn oetmoedich claeghen
15
myn ziele naer hu behaeghen
verlostet ghy huter noodt
End hebt my niet besloten
in mynder vyanden bewelt
myn voeten / Onverdroten
20
hebt / in een bree plaetse ghestelt
vvilt myns ghenaedich wesen
vvant worde ghequelt alsnv
myn ooghe bouen desen
toornich verstoort gheresen
25
ziel en Lichaem Claegh Ick hu
Want In tsdroufheyts omgorden
zo esser myn Leuen verghaen
myn cracht / es cranck gheworden
verstoort dies myn beenen staen
30
Bouen al myn vyanden
gheel myn ghebuerschap omtrent
Bem ick tot mynder schanden
een vreese tallen Landen
voor hemlieden nv bekent
35
Die my van buten zaeghen
die vloden van my terstondt
vergheten tallen daeghen
+ gheel in huer hertsen grondt
Ick bem worden versteken
zoo een bedorfuen vat zy
Want ick heb hooren spreken
5
mesprysende ghebreken
die veel waeren omtrent my
Als zy my dus Anquamen
hilden zy Ieghens my Raet
en dochten al te zamen
10
myn ziele / Te doene quaet
in hu hoopt ick eenpaerlick
en zeyde / ghy zyt myn god
[p. 47]
myn tyden openbaerlick
zyn in hu handen claerlick
15
Naer hu willende ghebod
Lost my van die Booswichten
en mynder vervolghers onRecht
en laet hu aenschyn Lichten
doch heer ouer huwen knecht
20
duer hu Bermhertichede
behoudt my alsoot betaemt
want ick anRiep hu mede
dies heere tmynder vrede
Laet my worden / niet beschaemt
25
Beschaemtheyt moet ghebueren
gheel dongoddelicke Iacht
end in thelssche besmueren
daer worden gheleed mesAcht
En stom moeten zy blycken
30
de valssche lippen / die
gherechtheyt veronghelycken
en grootsch houeerdich strycken
zynde vul / verRaederie
Hoe groot es zonder zoorghen
35
die veelheyt der zoeticheyt
van die ghy hebt verboorghen
+ die vreesen hu Magesteyt
En ghy hebt int anschauwen
den kynderen ongheslaect
der mensschen / zonder flauwen
5
die in hu vast betrauwen
dese zaelicheyt vulmaect /
En ghy zultse bewaeren
in huwe bewaerynghe wel
van die verstoorde schaeren
10
der mensschen quaet ende Rebel
en ghy zultse beschermen
van alle quae tonghen boos
en my daer Ieghens vermen
hoe spytich dat zy termen
15
vvant ghij zyt myn hulpe altoos
Ghebenedydt manierich
zy dheere die eeuvvich leeft
[p. 48]
zyn bermherticheyt vierich
my wonderlick ghemaect heeft
20
Als therte was zvvaermoedich
ick sprack verworpen ick bem
daer om hebdy my spoedich
verhoort gheweest behoedich
heere van iherusalem
25
Den heere wilt beminnen
ghy helighen ouer al
die ghelooueghe zinnen
hy zelue behouden zal
die houeerdicheyt pleghen
30
die zal hy verghelden stranck
en ghy die tallen weghen
tot hope zyt gheneghen
Mannelick werct / weest niet Cranck
Glorie zy den vader
35
oock zuene en dhelighen gheest
Een god zoo allegader
+ waert ghy in glorien meest
En zult eeuvvich Rengneren
gheel eeuwelick zonder tydt
de weerelt zal Cesseren
5
maer eeuwich domineren
Zult ghy god ghebenedydt /
